ហេកឃើ វាយប្រហារវេបសាយម៉ាឡេស៊ី "ទង់ជាតិរបស់យើង មិនមែនជាការលេងសើចទេ"
- 2017-08-23 04:33:59
- ចំនួនមតិ 0 | ចំនួនចែករំលែក 0
ហេកឃើ វាយប្រហារវេបសាយម៉ាឡេស៊ី "ទង់ជាតិរបស់យើង មិនមែនជាការលេងសើចទេ"
ចន្លោះមិនឃើញ
គិតត្រឹមថ្ងៃ ២៣ សីហា ២០១៧ នេះ វេបសាយរបស់ប្រទេសម៉ាឡេស៊ីប្រមាណ ២៧ ត្រូវបាន Hacker មួយក្រុមមានឈ្មោះ ExtremeCrew វាយប្រហារ ក្រោយវេបសាយទាំងនោះរួមចំណែកផ្សាយរូបភាពទង់ជាតិប្រទេសឥណ្ឌូណេស៊ីសម្រាប់ព្រឹត្តិការណ៍ SEA Game បញ្ច្រាសខុសបច្ចេកទេស។
នៅក្នុងកម្រងសៀវភៅអនុស្សាវរីយសម្រាប់ព្រឹត្តិការណ៍ SEA Game ២០១៧ ដែលប្រទេសម៉ាឡេស៊ីជាម្ចាស់ផ្ទះ រូបទង់ជាតិប្រទេសឥណ្ឌូណេស៊ីត្រូវបានបោះពុម្ពបញ្ច្រាស ដែលធ្វើឲ្យមន្ត្រីរដ្ឋាភិបាល និងប្រជាជនឥណ្ឌូណេស៊ីមិនពេញចិត្តយ៉ាងខ្លាំង។
ចំពោះវេបសាយដែលរងការវាយប្រហារទាំងនោះ Hacker បានសរសេរប្រយោគ ដែលមានន័យជាខ្មែរថា "ទង់ជាតិរបស់យើង មិនមែនជាការលេងសើចទេ” ។
ក្រោយរកឃើញកំហុស លោករដ្ឋមន្ត្រីក្រសួងយុវជន និងកីឡា និងរដ្ឋមន្ត្រីក្រសួងការបរទេសរបស់ម៉ាឡេស៊ី បានចេញមុខមកសុំទោសជាសាធារណៈដល់រដ្ឋាភិបាល ក៏ដូចជាប្រជាជនឥណ្ឌូណេស៊ី។
ទន្ទឹមការសុំទោស លោកប្រធានាធិបតីឥណ្ឌូណេស៊ី Joko Widodo ក៏ថ្លែងថា លោកអភ័យទោសដល់ម៉ាឡេស៊ីនូវកំហុសមួយនេះ ហើយលោកក៏ស្នើឲ្យប្រជាជនឥណ្ឌូណេស៊ីរំសាយកំហឹង និងអភ័យទោសដល់ម៉ាឡេស៊ី។
ទោះយ៉ាងណា ព្រោះកំហឹងប្រជាជន ទង់ជាតិម៉ាឡេស៊ីត្រូវបានគេយកទៅដុតនៅមុខស្ថានទូតម៉ាឡេស៊ីប្រចាំប្រទេសឥណ្ឌូណេស៊ី ដើម្បីបង្ហាញពីការថ្នក់ចិត្តយ៉ាងខ្លាំងនូវកំហុសដ៏អាម៉ាស់នេះ៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត ៖