ប្រយ័ត្នទៅ មានល្បិចថ្មីមួយទៀត បន្លំឲ្យលេងហ្គេមការពិតបន្លំលួចយកគណនីហ្វេសបុកអ្នកសោះ

2017-08-23 03:43:56
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកធ្លាប់បានឃើញគេលេង ឬលេងដោយខ្លួនឯងនូវប្រភេទហេ្គមទស្សន៍ទាយស្រដៀងនឹងរូបភាពទាំងនេះ? ក្រៅពីវិធីសាស្ត្រក្នុងការលួចពាក្យសម្ងាត់ហ្វេសប៊ុករបស់អ្នក នៅមានវិធីសាស្ត្រមួយផ្សេងទៀតដែលកំពុងពេញនិយមគឺហៅថា Phishing។

លោក អ៊ូ ផាន់ណារិទ្ធ

បើតាមទំព័រហ្វេសប៊ុកផ្លូវការរបស់លោក អ៊ូ ផាន់ណារិទ្ធ ជាសាស្ត្រាចារ្យផ្នែកបច្ចេកវិទ្យា និងសុវត្ថិភាពកុំព្យូទ័រ បានឱ្យដឹងថា វិធី Phishing គឺមានច្រើនបែបច្រើនសណ្ឋាន ដែលនៅពេលពេលនេះ លោកនឹងលើកយកប្រភេទមួយដូចខាងក្រោមមកបង្ហាញ។

លោកបានឲ្យដឹងថា បើសិនជាវេបសាយសម្រាប់លេងល្បែងទាំងនេះមានបំណងមិនល្អ ពេលដែលអ្នកលេងនូវល្បែងទស្សន៍ទាយ (ឧទាហរណ៍ដូចរូបភាពខាងក្រោមតំណាងខាងក្រោមនេះ) នោះគេអាចមានលទ្ធភាពក្នុងការទាញយក Access Token របស់គណនីហ្វេសប៊ុកអ្នក (ដែលមានន័យស្មើនឹង Username/Password របស់អ្នក) ឬបញ្ជោតឲ្យអ្នកបញ្ចូលពាក្យឈ្មោះ/ពាក្យសម្ងាត់តែម្តង។ មានន័យថាអ្នកឲ្យគេដោយផ្ទាល់តែម្តងនោះអី គឺមិនមានអ្នកណាហេគ(Hack)ឡើយ។

តើអ្នកត្រូវធ្វើដូចម្ដេចដើម្បីជៀសវាង?

អ្នកត្រូវធ្វើការស្វែងយល់ឲ្យបានច្បាស់ពីវេបសាយលេងល្បែងទស្សន៍ទាយទាំងនេះ ថាតើមានប្រភពច្បាស់លាស់ឬទេ? តើក្រុមហ៊ុនណាជាអ្នកបង្កើតវា? ដើម្បីជៀសវាងការលួចយកគណនីរបស់អ្នក ដោយអ្នកមិនដឹងខ្លួន។

បើសិនជាចៃដន្យអ្នកបានលេងល្បែងទាំងនេះ សូមចូលទៅផ្លាស់ប្តូរពាក្យសម្ងាត់របស់អ្នក។
សូមចូលទៅកាន់ Setting => App រួចស្វែងរកមើល App ណាដែលគួរឲ្យសង្ស័យ ហើយសូមធ្វើការ remove វាចេញជាបន្ទាន់ មុននិងអ្វីៗត្រូវចប់៕

ចុចអានអត្ថបទ៖

អត្ថបទ៖ រក្សា