សណ្ឋាគារទាំង១០ មានខ្មោចលងបន្លាចខ្លំាងបំផុត ក្នុងឆ្នាំ២០១៤

2014-11-10 21:24:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ខែមុនប្រិយមិត្តខ្លះ បានស្គាល់ហើយពីកន្លែងដែលមានខ្មោចឆាឆៅសាហាវបំផុត ប៉ុន្តែឥលូវនេះអ្នកនឹងបានដឹងពីសណ្ឋាគារចំនួន១០ ដែលល្បីថាមានខ្មោចលងសាហាវបំផុតលើពិភពលោកក្នុងឆ្នាំ២០១៤នេះ។ សណ្ឋាគារទាំងនោះ មានដូចខាងក្រោម៖

១០. សណ្ឋាគារ Ancient Ram ក្នុងទីក្រុង Gloucestershire អង់គ្លេស

Ancient Ram ជាសណ្ឋាគារមួយ ដែលត្រូវបានគេចាត់ទុកថា មានខ្មោចលងខ្លាំងលំដាប់ទី១០ ។ ខ្មោចនៅទីនេះមិនឱ្យភ្ញៀវណា ស្នាក់នៅបានឡើយ។ បើផ្អែកតាមគេហទំព័រ Haunted Rooms បង្ហាញថា ម្ចាស់សណ្ឋាគារ បានរកឃើញឆ្អឹងខ្មោចក្មេងៗពីរនាក់ នៅក្រោយជណ្ដើរ។

៩. សណ្ឋាគារ Stanley ក្នុងរដ្ឋ Colorado អាមេរិក

ដោយសារមានខ្មោចលងច្រើន សណ្ឋាគារមួយនេះ ត្រូវគេយកថតរឿងកាលពីអំឡុងឆ្នាំ១៩៨០។ បើតាមការឱ្យដឹងពីបុគ្គលិកសណ្ឋាគារ ខ្មោចច្រើនមកលេងក្នុងបន្ទប់រាំ។ បើសិនមានសំឡេងប៉្យាណូពេលយប់អាធ្រាត្រ គឺគ្មានអ្វីក្រៅពីខ្មោចទេ។ ម្យ៉ាងទៀតខ្មោចក្នុងសណ្ឋាគារនេះ ចូលចិត្តលួចគ្រឿងអលង្ការភ្ញៀវផងដែរ។

៨. សណ្ឋាគារ Delta Bessborough ក្នុងខេត្ត Saskatchewan កាណាដា

ចំណែកសណ្ឋាគារ Bess នេះក៏មិនអន់ដែរ គឺខ្មោចចេញមកលេងជារឿយៗ។ សារព័រមានអនឡាញ Huffington Post បានឱ្យដឹងថា បុគ្គលិកម្នាក់បានធ្លាក់ ពីលើអគារទី៧ស្លាប់។ ចំណែកភ្ញៀវវិញ ត្រូវគេរាយការណ៍ ត្រូវខ្មោចស្វាគមន៍យ៉ាងកក់ក្ដៅ។

៧. សណ្ឋាគារ Ballygally Castle ក្នុងប្រទេស County Antrim ភាគខាងជើងប្រទេស អៀរឡង់

ប្រសិនទេសចរស្នាក់ក្នុងអគារនេះ ពួកគេអាចចាប់អារម្មណ៍រឿងពីរ គឺសម្រស់ទេសភាពដាច់ស្រយាលនៃប្រទេសស្កុតឡែន មើលពីសណ្ឋាគារ និងខ្មោច។ BBC ថា ស្ត្រីម្នាក់ឈ្មោះ Isobel Shaw បានធ្លាក់ពីបង្អួច ខណៈពេលស្នាក់នៅ។ ខ្មោចស្រីនេះ តែងដើរគោះទ្វារបន្ទប់ និងឃើញក្មេងៗរត់លេងនាពេលយប់។

៦. សណ្ឋាគារ Logan រដ្ឋ Pennsylvania អាមេរិក

គេហទំព័រ Travel Channel ថា ខ្មោចម្ដាយអតីតម្ចាស់សណ្ឋាគារ Logan តែងចេញលងភ្ញៀវនៅបន្ទប់ទី៦ ដោយធ្វើសំឡេងយំ។ បើមិនដូច្នេះទេ ភ្ញៀវនឹងធុំក្លិនទឹកអប់ផ្កា Lavender។

៥. សណ្ឋាគារ Fairmont ខេត្ត British Columbia កាណាដា

ខ្មោចស្ត្រីស្លៀកឈុតក្រហម ឈ្មោះ Jennie Pearl Cox តែងបង្ហោះខ្លួននៅជាន់ទី១៤ លើជណ្ដើរយន្ត។ បុគ្គលិកសណ្ឋាគារប្រាប់ថា នាងជាខ្មោចស្រីដ៏ស្អាតម្នាក់។

៤. សណ្ឋាគារ Dalhousie Castle ក្នុងតំបន់ Midlothian ស្កុតឡែន

ដើមឡើយ សណ្ឋាគារអាយុច្រើនសតវត្សនេះជាបន្ទាយ តែឥលូវវាជាសណ្ឋាគារ មានខ្មោចនៅ។ ខ្មោចស្រីដែលត្រូវជាអតីតកូនបន្ទាយនេះ បានស្លាប់ដោយសារបង្អត់អាហារខ្លួនឯង ព្រោះខឹងឪពុកម្ដាយ មិនឱ្យនាងស្រលាញ់បុរស ដែលនាងស្រលាញ់ និងមានខ្មោចស្លាប់ដោយអត់ឃ្លានជាច្រើនទៀត។

៣. សណ្ឋាគារ RMS Queen Mary ក្នុងរដ្ឋ California អាមេរិក

Queen Mary ជានាវាដែលបានធ្វើចរាចរណ៍កាត់មហាសមុទ្រអាត្លង់ទិច ចាប់តាំងពីឆ្នាំ១៩៣៦ ដល់១៩៦៧។ បច្ចុប្បន្នវាឈប់ដំណើរការហើយ ហើយវាស្ថិតនៅទីក្រុង Long Beach រដ្ឋ California ។ មកដល់ពេលនេះ វាបានក្លាយជាសណ្ឋាគារ ភោជនីយដ្ឋាន និងសារមន្ទីរ ដែលមានខ្មោចលងខ្លាំងលំដាប់ទី៣។

២. សណ្ឋាគារ Empress Hotel កាណាដា

Empress Hotel ត្រូវបានគេកសាងតាំងពីជាង១០០ឆ្នាំមុន។ បើផ្អែកតាមគេហទំព័រ Huffington Post បង្ហាញថា សណ្ឋាគារនេះសំបូរខ្មោចលងណាស់។ ខ្មោចទាំងនោះមានដូចជា អ្នករៀបចំបន្ទប់ម្នាក់ ក្មេងស្រីម្នាក់ និងជាងឈើម្នាក់ទៀត ដែលចង់កសម្លាប់ខ្លួនក្នុងសណ្ឋាគារនេះ។