បំបាក់ Justin Bieber ម្ដងមិនអស់ចិត្ត ឥឡូវ BTS ផ្ដួលម្ដងទៀត កក្រើកពេញអឺរ៉ុប

2017-08-24 04:23:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមតារាប្រុសកូរ៉េខាងត្បូង BTS បានទទួលជោគជ័យថ្មីមួយទៀតហើយនៅទ្វីបអឺរ៉ុប ដោយយកឈ្នះតារាចម្រៀងល្បីប្រចាំពិភពលោក Justin Bieber និង Harry Styles ទៀត។

កម្មវិធីប្រគល់ពានរង្វាន់ "Nickelodeon Mexico” បានប្រកាសលើបណ្ដាញសង្គម ផ្លូវការរបស់ខ្លួនកាលពីថ្ងៃសៅរ៍ ដោយបង្ហាញបេក្ខភាពដែលត្រូវប្រជែងគ្នាដណ្ដើមពានរង្វាន់ពីកម្មវិធី។ ក្នុងនោះក្រៅពីក្រុមចម្រៀង BTS ក៏មានតារាផ្សេងទៀតសុទ្ធតែមានឈ្មោះបោះសំឡេងខ្លាំងនៅប៉ែកអឺរ៉ុបរួមមាន៖ តារាចម្រៀង Camila Cabello, Harry Styles និង Justin Bieber ផងដែរ។ នេះបើតាមព័ត៌មានពីវិបសាយ Koreaboo។

ពិតជារឿងដ៏គួររំភើប អ្នកដែលជាម្ចាស់ជយលាភី និងទទួលបានពានរង្វាន់ "Favourite International Artist or Group" ពីកម្មវិធី Kids’ Choice Awards Mexico ពេលនេះ គឺបានទៅលើក្រុមចម្រៀងបុរស BTS។

BTS កាលឈ្នះពានពីកម្មវិធី Billboard Music Awards ខែឧសភាកន្លងទៅ

គួរបញ្ជាក់ផងដែរថា នេះមិនមែនជាលើកទី១ ទេដែលក្រុមចម្រៀងប្រុសសមាជិក៧នាក់មួយនេះបានឈ្នះតារាប្រចាំតំបន់អឺរ៉ុប ជាពិសេសឈ្នះ Justin Bieber។ ពួកគេធ្លាប់ធ្វើឲ្យអ្នកគាំទ្រភ្ញាក់ផ្អើលជាខ្លាំង ពេលដណ្ដើមបានពាន "Top Social Artist Award” ដែល Justin Bieber តែងតែបានរយៈពេល៦ឆ្នាំជាប់ៗគ្នា កាលពីខែឧសភា ឆ្នាំ ២០១៧ ក្នុងកម្មវិធី “Billboard Music Awards”៕

ចុចអាន៖

ប្រភព៖ nextshark ប្រែសម្រួល៖ យី សុធារី