ញាក់សាច់! ទាហានចិន ហ្វឹកហាត់ប្រើកាំភ្លើងបាញ់ផ្លែប៉ោម នៅលើក្បាលមិត្តរួមក្រុម
- 2017-08-25 02:50:17
- ចំនួនមតិ 0 | ចំនួនចែករំលែក 0
ញាក់សាច់! ទាហានចិន ហ្វឹកហាត់ប្រើកាំភ្លើងបាញ់ផ្លែប៉ោម នៅលើក្បាលមិត្តរួមក្រុម
ចន្លោះមិនឃើញ
វីដេអូឃ្លិបមួយ បានបង្ហាញឲ្យឃើញ ទាហានមកពីកងទ័ពរំដោះចិន People's Liberation Army ប្រើប្រាស់កាំភ្លើងខ្លីបាញ់ផ្លែប៉ោម ដែលដាក់នៅលើក្បាលសមាជិកដទៃទៀតទៅវិញទៅមក គួរឲ្យព្រឺព្រួច ដែលជាផ្នែកមួយនៃការហ្វឹកហាត់ដ៏ស្វិតស្វាញ។
បើយោងតាមគ្រូបង្ហាត់ បានឲ្យដឹងថា សកម្មភាពនេះមានបំណងដើម្បីបង្កើននូវភាពត្រឹមត្រូវ ឬច្បាស់លាស់របស់ពួកគេ។ ទាហានចិនទាំងនោះ បានហ្វឹកហាត់ជំនាញបាញ់កាំភ្លើងរបស់ពួកគេ នៅចម្ងាយប្រហែល ២០ ម៉ែត្រពីគោលដៅ។
នៅក្នុងខ្សែវីដេអូនោះ ក៏បានបង្ហាញឲ្យឃើញ ទាហាន ៣ នាក់ បានអង្គុយបត់ជើងផ្ទាល់ដី ដោយមានផ្លែប៉ោមនៅលើក្បាលរបស់ពួកគេ។ ក្នុងរយៈចម្ងាយប្រហែល ២០ ម៉ែត្រ មានទាហានចំនួន ៣ នាក់ផ្សេងទៀត កំពុងតម្រង់កាំភ្លើងរបស់ពួកគេ សំដៅទៅកាន់ផ្លែប៉ោមទាំងនោះ។ ទាហាន ២ នាក់បានបាញ់ត្រូវផ្លែប៉ោម រីឯម្នាក់ទៀតបាញ់មិនត្រូវឡើយ។
គ្រូបង្ហាត់ខាងលើដដែល បានបញ្ជាក់ឲ្យដឹងទៀតថា ការហ្វឹកហាត់នេះមិនត្រឹមតែដើម្បីបង្កើននូវភាពច្បាស់លាស់ប៉ុណ្ណោះទេ ប៉ុន្តែក៏ពង្រឹងនូវការជឿទុកចិត្តគ្នាទៅវិញទៅមកផងដែរ៕
ចង់ដឹងយ៉ាងណា សូមទស្សនាវីដេអូខាងក្រោម៖