ត្រួសៗពីបច្ចេកវិទ្យាដែល Android Oreo ចម្លងតាម iOS 11

2017-08-25 02:55:18
ចំនួនមតិ 0 | ចំនួនចែករំលែក 0

ចន្លោះមិនឃើញ

Google បានប្រកាសចេញនូវ Android Oreo ដែលមានមុខងារថ្មីជាច្រើន។ មុខងារមួយចំនួនស្ថិតនៅកម្រិត System, បង្កើនល្បឿន System និងពង្រីកអាយុកាលថ្ម កំឡុងពេលមុខងារជាច្រើនដទៃទៀតនឹងផ្លាស់ប្ដូរនូវវិធីដែលអ្នកប្រើប្រាស់ធ្លាប់ប្រើលើស្មាតហ្វូនរបស់ពួកគេ។

ដោយឡែកមុខងារទាំងត្រូវគេរកឃើញថាមានលក្ខណៈផលិតតាម iOS 11 នៅលើ iPhone ឬ iPad ហើយចំណុចដែលដូចគ្នានោះមានដូចជា៖

Notifications

Google បានចម្លងពី iOS សម្រាប់ផ្ទាំង Notification ថ្មីរបស់ Android Oreo ប្រព័ន្ធប្រតិបត្តិការនេះមាននូវ Dot តូចមួយនៅជ្រុងខាងលើផ្នែកខាងស្តាំរបស់ icon កម្មវិធីដើម្បីតំណាងឲ្យ Notification។

ចំណុចនេះមានលើ iOS តាំងពីជំនាន់ iPhone ដំបូង និង Third-party Android launcher មួយចំនួនមានមុខងារនេះយូរមកហើយផងដែរ។ Google ក៏បានចម្លងសូម្បីតែរបៀបដែលអ្នកប្រើប្រាស់មានអំពើលើ Notification ផងដែរ។ ការចុចសង្កត់លើ icon ជាមួយនឹង Notification badge ដែលបង្ហាញនូវផ្ទាំង Menu សម្រាប់ការងារមួយចំនួន ដូចទៅនឹងការឆ្លើយតបលើ iOS 3D Touch ដែរ។

Emojis ថ្មី

ទាំង Android Oreo និង iOS 11 មាននូវ Emojis ថ្មីៗព្រោះ Emojis មានការពេញនិយមសម្រាប់បច្ចុប្បន្ន និងអនាគត។ Google បានរចនាឡើងវិញទាំងស្រុងសម្រាប់ Emojis លើ Android Oreo ដែល Emojis មានគែមកោងបានត្រលប់មកវិញ។ Emojis ថ្មីរបស់ Google ធ្វើតាមការផ្លាស់ប្ដូររបស់ Apple ដើម្បីបង្កើនភាពលម្អិតដែលអាចស្វែងរកលើមុខតូចៗបាន។ យោងទៅតាមលោក Tim Cook សម្រាប់ iOS នឹងមាន Emojis កាន់តែមានភាពលម្អិត។

Copy និង Paste ដ៏ឆ្លាតវៃ

Android គាំទ្រដល់មុខងារ Copy និង Paste សម្រាប់ការបញ្ចេញជាលើកដំបូង។ វាជាមុខងារសំខាន់មួយ ប៉ុន្តែទំហំអេក្រង់តូចរបស់ស្មាតហ្វូនមានការពិបាកសម្រាប់ការងារនេះ។ Android Oreo ធ្វើឲ្យវាកាន់តែមានភាពងាយស្រួលក្នុងការ Copy អក្សរ និងការងារផ្សេងៗ ដែលមានឈ្មោះថា Smart Text Selection ។

ពេលអ្នកប្រើប្រាស់ Highlight ដូចជា Address link Maps នឹងបង្ហាញនៅបន្ទាប់នឹង Action ស្តង់ដារសម្រាប់ Copy, Cut និង Paste។ ប្រសិនបើចំនួនតួលេខដែលអ្នក Highlight មើលទៅដូចនឹងលេខទូរស័ព្ទ កម្មវិធី Phone នឹងបង្ហាញ។ នេះជាប្រភេទដែលដូចនឹងរបៀបដំណើរការពិនិត្យទិន្នន័យក្នុង iOS ប៉ុន្តែមុខងាររបស់ Google មើលទៅមានលក្ខណៈទូលំទូលាយជាង ដែលប្រើប្រាស់ AI សម្រាប់ការពិនិត្យដ៏ឆ្លាតវៃរបស់ Google។

Picture-in-picture

Apple បន្ថែមនូវ Picture-in-picture ទៅលើ iPad តាំងពីជំនាន់ iOS 9 ហើយ Android ក៏មានសមត្ថភាពបែបនេះដែរ ប៉ុន្តែសម្រាប់ Android Oreo ស្មាតហ្វូនក៏អាចមានសកម្មភាពលើ PiP ដែរ ដែលផ្នែកខ្លះមិនទាន់មានលើ iPhone។

PiP mode របស់ Android Oreo ដំណើរការដូចដែលបានរំពឹងទុក ដែលវាអាចឲ្យអ្នកប្រើប្រាស់បង្រួមវីដេអូឲ្យតូចបង្ហាញលើអេក្រង់ កំឡុងពេលដែលអាចធ្វើការងារផ្សេងទៀតបាន។ ផ្ទាំងវីដេអូនេះអាចរំកិលទៅទីតាំងណាមួយក៏បាន។ បច្ចុប្បន្ន iOS មានការកំណត់នូវ Process នេះលើ iPad ប៉ុន្តែអាចមានការប្រែប្រួលទៅអនាគត។

Autofill

Android Oreo មាននូវ Auto-fill សម្រាប់ព័ត៌មានអ្នកប្រើប្រាស់ដូចជា ឈ្មោះ ពាក្យសំងាត់ និងអាសយដ្ឋាន។ កម្មវិធី Password manager បានអនុវត្តនូវមុខងារទាំងនេះយូរមកហើយដែលអាចជឿជាក់បាន។ កម្មវិធីជាច្រើនអាចអនុវត្ត និងប្រើប្រាស់ Autofill API ដូច្នេះការប្រើប្រាស់មានលក្ខណៈរលូនល្អ។ សម្រាប់ iOS ក៏មានមុខងារស្រដៀងនេះដែរ ប៉ុន្តែអាចរក្សាទុកព័ត៌មានទាំងនេះសម្រាប់កម្មវិធីមួយចំនួនប៉ុណ្ណោះដូចជា Amazon ជាដើម ហើយមិនមានគ្រប់ទីកន្លែងនោះទេក្នុង Safari៕