ស៊ន សៀម៉ីប្រាប់ស្ទីលវ៉ៃពិសេស មុនការប្រកួតស៊ីហ្គេមចាប់ផ្តើម

2017-08-26 00:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីតេក្វាន់ដូជម្រើសជាតិកម្ពុជា ស៊ន សៀវម៉ី មានរបៀបវ៉ៃដ៏ពិសេសប្រចាំខ្លួនមួយដែលអាចយកប្រៀបលើដៃគូសម្រាប់ការចូលរួមប្រកួតក្នុងព្រឹត្តិការណ៍កីឡាស៊ីហ្គេមនៅម៉ាឡេស៊ី។

កីឡាការិនី ស៊ន សៀវម៉ី

វីរនារីកម្ពុជា ស៊ន សៀវម៉ី បាននិយាយថា ៖«ខ្ញុំគិតថា ខ្ញុំមានកម្ពស់ខ្ពស់ ហើយជើងខ្ញុំទន់ដែលអាចលើកទាត់បាន៤ទៅ៥តង់ ដែលគេភាគច្រើនពិបាកអស់ជំហរ។ សម្រាប់ខ្ញុំខ្ពស់ហើយបត់បានច្រើនតង់»។

ទោះជាបីជាយ៉ាងណា កីឡាការិនីកម្ពុជារូបនេះនៅមានបញ្ហាបារម្ភខ្លះៗសម្រាប់ការប្រកួតស៊ីហ្គេមនេះ។ ទី១បញ្ហារបួសជង្គង់របស់នាងមិនទាន់ជាសះស្បើយទាំងស្រុងទេ។ កន្លងមកកញ្ញាបានហ្វឹកហាត់ និងចូលរួមប្រកួតអន្តរជាតិទាំងជង្គង់ឈឺ។ ទឹកចិត្តរបស់នាងចង់ហ្វឹកហាត់ឲ្យដល់កម្រិត ប៉ុន្តែពេលខ្លះក៏ត្រូវការសម្រាកដែរដើម្បីកុំឲ្យមានបញ្ហាដល់ជង្គង់។ ទី២កញ្ញាបារម្ភកម្លាំងស៊ុហ្វមិនគ្រប់គ្រាន់ ប្រសិនបើប៉ះដៃគូមានកម្លាំងខ្លាំងដូចបុរស។ កម្លាំងស៊ុហ្វមិនគ្រប់គ្រាន់សម្រាប់ការប្រកួត២ឬ៣ដងក្នុងមួយថ្ងៃបណ្ដាលមកបញ្ហាជង្គង់ដែលធ្វើឲ្យនាងហ្វឹកហាត់មិនដិតដល់។

ស្តាប់ការលើកឡើងរបស់គ្រូ និង ស៊ន សៀវម៉ី

ពាក់ព័ន្ធនឹងបញ្ហាជង្គង់នេះ លោក Chio Yongsok គ្រូបង្វឹកជម្រើសជាតិកម្ពុជាបាននិយាយថា ស៊ន សៀវម៉ីមានបញ្ហាជង្គង់យូរហើយ ដូច្នេះហើយទើបបានជាលោកមិនឲ្យនាងហ្វឹកហាត់ខ្លាំងទេ ប៉ុន្តែពេលខ្លះកីឡាការិនីរូបនេះខិតខំហ្វឹកហាត់ច្រើនម៉ោងជាងអ្វីដែលបានលោកកំណត់ទៀត។ ចំពោះបញ្ហាកម្លាំងវិញ លោកមិនព្រួយបារម្ភអ្វីឡើយ៕