គយគន់សម្រស់ស្រីស្អាតកែភេទ គ្រងមកុដ Miss Tiffany's Universe ឆ្នាំ ២០១៧ យប់មិញនេះ

2017-08-26 07:17:28
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតប្រជែងសម្រស់ស្រីស្អាតភេទទី ៣ Miss Tiffany's Universe ទីបំផុតបានរកឃើញម្ចាស់តំណែងប្រចាំឆ្នាំ ២០១៧ហើយកាលពីម្សិលមិញ។

ក្នុងឆ្នាំ ២០១៧ មានបេក្ខភាពចូលប្រឡងជាច្រើន ដើម្បីប្រកួតប្រជែងសម្រស់ និងឈានទៅគ្រងមកុដ "Miss Tiffany's Universe 2017”។ ជាក់ស្ដែង កម្មវិធីបានរកឃើញហើយម្ចាស់ជយលាភី គឺកញ្ញា Yoshi។ នេះ គឺជាជោគជ័យដ៏អស្ចារ្យសម្រាប់នាងដែលទទួលបានមហាកិត្តិយស ដណ្ដើមបានតំណែងធំមួយនេះ។

និយាយពីរង្វាន់សម្រាប់ជយលាភីវិញ ក៏មិនធម្មតាដែរ គឺស្រីស្អាតភេទទី ៣ Yoshi បានទទួលរថយន្ត Mercedes-Benz GLA 200 Urban មួយគ្រឿង, មកុដលម្អដោយត្បូងពេជ្រ មានតម្លៃមហាសាល, ទទួលបានប័ណ្ណបញ្ចុះតម្លៃពីគ្លីនិកកែសម្ផស្ស និងថែរក្សាស្បែកល្បីៗជាច្រើនទៀត។ ជាពិសេស Yoshi ក៏ក្លាយជាបេក្ខភាពដែលនឹងតំណាងប្រទេសថៃ ទៅចូលរួមប្រកួតក្នុងកម្មវិធី "Miss International Queen 2017” ផងដែរ។

ចំណុចអស្ចារ្យមួយទៀតនោះ តាមរយៈសមត្ថភាព និងរូបសម្រស់ Yoshi ឈ្នះពានដល់ទៅ៣ផ្សេងទៀតគឺ៖ ពានរង្វាន់សម្លៀកបំពាក់ស្អាតបំផុត "Best Costume”, កញ្ញាឯកថតរូបស្អាតជាងគេ “Miss Photogenic” និង កញ្ញាឯកស្បែកស្អាតជាងគេ “Miss Silky By Asoke Skin Hospital”។

ចំពោះកម្មវិធី Miss Tiffany's Universe នេះ បានបង្កើតឡើងតាំងពីឆ្នាំ ១៩៩៨ ដែលផ្ដល់សិទ្ធិឲ្យនារីភេទទី៣ទាំងអស់ក្នុងប្រទេសថៃ ចូលរួមប្រកួតសម្រស់ ដោយគ្មានការរើសអើងអ្វីទាំងអស់៕