Facebook ប្រឹងបិទគណនីក្លែងក្លាយជាង ១ លានក្នុងមួយថ្ងៃ តែលទ្ធផលហួសចិត្ត

2017-08-26 08:03:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្វេសប៊ុកបានបិទគណនីជាង ១ លានក្នុងមួយថ្ងៃ ដើម្បីទប់ការគំរាមកំហែង ដល់អ្នកប្រើប្រាស់ដូចជា គណនីបង្កើតឡើងដើម្បីបោកប្រាស់ ការចែកចាយសារឥតបានការ និងបង្ហោះព័ត៌មានមានលក្ខណៈញុះញង់ឲ្យមនុស្សស្អប់គ្នាជាដើម។ បើតាមការផ្សាយរបស់ CNBC ថ្មីៗនេះ។

បើទោះជា Facebook ព្យាយាមលុបការបង្ហោះ អត្ថបទ ឬ វីដេអូ ទាំងនោះយ៉ាងណាក្តី ក៏នៅតែលុបមិនអស់ ព្រោះតែបណ្ដាញសង្គមដ៏ពេញនិយមមួយនេះមានចំនួនអ្នកប្រើប្រាស់ជាង ២ ០០០ លាននាក់នៅជុំវិញពិភពលោក។

លោក Mark Zuckerberg

នាយកប្រតិបត្តិក្រុមហ៊ុន Facebook លោក Mark Zuckerberg បាននិយាយថាក្រុមហ៊ុននឹងជួលបុគ្គលិកបន្ថែម ៣ ពាន់នាក់ទៀត ដើម្បីតាមដាន និង អង្គុយចាំលុបមាតិកា (content) មិនល្អទាំងនោះ។

ហ្វេសប៊ុកក៏ទទួលរងការរិះគន់ផងដែរ ពីសំណាក់ថ្នាក់ដឹកនាំនយោបាយនៅអឺរ៉ុបក្នុងឆ្នាំនេះ ថាធូររលុង ដែលអនុញ្ញាតឲ្យភេរវករ ប្រើប្រាស់ហ្វេសប៊ុក ដើម្បីរៀបចំគម្រោងវាយប្រហារបានសម្រេច ខណៈដែលសភាអាមេរិកកាលពីឆ្នាំទៅ ក៏បានទាមទារឲ្យបណ្ដាញសង្គមមួយនេះលុបចោលនូវព័ត៌មានទាំងឡាយណា ដែលមិនពិត៕

ចុចអានអត្ថបទពាក់ព័ន្ធ៖

ប្រភព៖ CNBC ប្រែសម្រួល៖ សុខ លាងហ៊ត