បណ្ដាញសង្គមលាក់មុខ Sarahah អាចក្លាយជាវិធីគំរាមកំហែងថ្មីលើអ៊ីនធឺណិត

2017-08-27 04:18:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គមលាក់មុខ Sarahah បង្កើតដោយវិស្វករកម្មវិធី ZainAlabdin Tawfiq មកពីប្រទេសអារ៉ាប៊ីសាអូឌីត បានប្រែក្លាយជាកម្មវិធីលំដាប់ទី ១ ក្នុង App Store នៅ ៣០ ប្រទេសជុំវិញពិភពលោកដែលទើបតែបង្កើតកាលពីខែមិថុនាកន្លងទៅ។

ដំណើរការកម្មវិធីនេះ គឺនៅពេលដែលយើង Register គណនីមួយ ដែលមានដាក់ឈ្មោះនិង Profile ពិតប្រាកដ ហើយរង់ចាំការទទួលសារ (Message) ពីនរណាម្នាក់ ដែលយើងមិនអាចស្គាល់ឈ្មោះ/រូបតាំងរបស់គេ ព្រមទាំងមិនអាចធ្វើការ Reply សារនោះបានថែមទៀតផង។

កន្លងទៅមានអ្នកប្រើប្រាស់បានសាកល្បងប្រើប្រាស់នូវបណ្ដាញសង្គមមួយនោះ ហើយមានសារចម្លែកជាច្រើនផ្ញើទៅពួកគេខ្លះក៏ល្អ ខ្លះក៏អាក្រក់។ ទោះបីជាមានមុខងារអាច Block គណនីផ្ញើសារណាមួយក្ដី ប៉ុន្តែអង្គការ NGO បានណែនាំថា Sarahah ជាបណ្ដាញសង្គមមិនល្អចំពោះក្មេងៗឡើយ ហើយវានឹងប្រែក្លាយជាវិធីសាស្ត្រគំរាមកំហែងថ្មីមួយផ្សេងទៀតតាមរយៈប្រព័ន្ធអ៊ីនធឺណិត។ ការផ្ញើសារទៅធ្វើបាបបុគ្គលណាម្នាក់ គ្មានការបង្ហាញឈ្មោះ, រូបភាព, ទីតាំងស្នាក់អាស្រ័យរបស់ម្ចាស់សារឡើយ។

ប្រភព៖ CNN | Dailymail ប្រែសម្រួល៖ កៅ រក្សា