ក្រោយ​បញ្ចេញ​កំពូល​ស្មាតហ្វូន​ប្រចាំ​ឆ្នាំ​ម៉ូដែល​ ​Galaxy Note 8​ ​ក្រុមហ៊ុន​បច្ចេកវិទ្យា​មាន​ប្រភព​មក​ពី​ប្រទេស​កូរ៉េ​ខាង​ត្បូង​ ​Samsung​ ​ក៏​បាន​បញ្ចេញ​កម្មវិធី​ប្រើប្រាស់​បណ្ដាញ​អ៊ីនធឺណិត​ ​(Browser)​ ​ជំនាន់​ថ្មី​ ​ដែល​អះអាង​ថា​មាន​ដំណើរការ​រហ័ស​ ​និង​សុវត្ថិភាព​ខ្ពស់។

Browser​ ​ថ្មី​នេះ​ ​មាន​ជំនាន់​ ​v6.0​ ​ដែល​ផលិត​មក​ជា​មួយ​មុខងារ​កម្រិត​ពន្លឺ​ច្បាស់​ ​ជួយ​ធ្វើ​ឲ្យ​អ្នក​ប្រើប្រាស់​ស្រួល​មើល​ ​មិន​ឈឺ​ភ្នែក​ ​ហើយ​មិន​សូវ​ស៊ី​ថ្ម​ស្មាតហ្វូន​ផង​ដែរ។

មុខងារ​ពិសេស​នៃ​ ​Samsung Browser v6.0​ ​គឺ​អាច​បិទ​ចោល​នូវ​មាតិកា​ដែល​បង្ហាញ​ទិន្នន័យ​អវិជ្ជមាន​ដោយ​ស្វ័យប្រវត្តិ​ ​ហើយ​អាច​ ​Sync​ ​ព័ត៌មាន​នានា​ពី​ស្មាតហ្វូន​ ​Samsung​ ​ទៅ​កាន់​ទូរទស្សន៍​វៃ​ឆ្លាត​ ​ឬ Smartwatch​ ​បាន​យ៉ាង​ងាយ​ស្រួល។

បញ្ជាក់​ផង​ដែរ​ថា​ ​Browser​ ​ថ្មី​នេះ​ ​ផលិត​ពិសេស​សម្រាប់​ស្មាតហ្វូន​ ​Galaxy​ ​របស់​ ​Samsung​ ​តែ​ស្មាតហ្វូន​ជំនាន់​ផ្សេង​របស់​ ​Samsung​ ​ក៏​ប្រើ​បាន​ ​គ្រាន់​មិន​គ្រប់​មុខងារ​ទាំង​អស់​របស់​វា​នោះ​ទេ៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• បណ្ដាញ​សង្គម​លាក់​មុខ Sarahah អាច​ក្លាយ​ជា​វិធី​គំរាមកំហែង​ថ្មី​លើ​អ៊ីនធឺណិត
• ២០ វិនាទី​ម្នាក់ ជើង​ខ្លាំង​ខាង Review ទូរសព្ទ​និយាយ​អ្វី​ខ្លះ​ពី Galaxy Note 8?

ប្រភព៖ PhoneArena   ប្រែ​សម្រួល៖ រដ្ឋ