សូមប្រកាសរកជើងខ្លាំងថតរូប ប្រាក់រង្វាន់ជាង ២ ម៉ឺនដុល្លារ ជយលាភីមានឱកាសទៅលេងអង់គ្លេសទៀត

2017-08-29 05:17:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Sony World Photography Awards ជាកម្មវិធីប្រកួតស្នាដៃរូបថតដ៏ធំលំដាប់ពិភពលោកដែលតែងរៀបចំជារៀងរាល់ឆ្នាំ។ មិនថាអ្នកមកពីប្រទេសណាឬជ្រុងណាមួយនៃពិភពលោក មានសមត្ថភាពពូកែថតរូបអាចចូលរួមប្រកួតដោយសេរី ដោយគ្រាន់ផ្ញើរូបភាពដែលស្របតាមលក្ខណនៃការប្រកួត។

កម្មវិធី Sony World Photography Awards ផ្ដើមទទួលយករូបភាពដើម្បីដាក់ប្រកួតប្រជែង ហើយកម្មវិធីសម្រាប់ឆ្នាំនេះ ក៏មិនសូវខុសពីមុនដែលមានបែងចែកសម្រាប់អ្នកចូលរួមមានដូចជា៖

Professional សម្រាប់អ្នកថតរូបអាជីព ដែលរង្វាន់គឺទទួលបានសាច់ប្រាក់ ២៥ ០០០ ដុល្លារ, គ្រឿងបន្លាស់កាមេរ៉ា Sony មួយចំនួន, សំបុត្រយន្តហោះ ថ្លៃស្នាក់នៅ រួមទាំងអាហារក្នុងទីក្រុងឡុងដុង ប្រទេសអង់គ្លេស ហើយនៅមានការផ្ដល់ជូនច្រើនផ្សេងទៀត។

ផ្ដើមទទួលរូបចាប់ពីថ្ងៃនេះដល់ថ្ងៃ ១១ មករា ២០១៨ ព័ត៌មានលម្អិតសូមចូលតំណភ្ជាប់នេះ Professional។

រូបជយលាភី Professional ឆ្នាំ ២០១៧

* **Open** សម្រាប់អ្នកស្រឡាញ់ការថតរូបទូទៅ ដែលរង្វាន់គឺទទួលបានសាច់ប្រាក់ **៥ ០០០ ដុល្លារ**, គ្រឿងបន្លាស់កាមេរ៉ា Sony មួយចំនួន, សំបុត្រយន្តហោះ ថ្លៃស្នាក់នៅ រួមទាំងអាហារក្នុងទីក្រុងឡុងដុង ប្រទេសអង់គ្លេស ហើយនៅមានការផ្ដល់ជូនច្រើនផ្សេងទៀត។

ផ្ដើមទទួលរូបចាប់ពីថ្ងៃនេះដល់ថ្ងៃ ៤ មករា ២០១៨ ព័ត៌មានលម្អិតសូមចូលតំណភ្ជាប់នេះ Open។

រូបជយលាភី Open ឆ្នាំ ២០១៧

Youth សម្រាប់ក្មេងៗអាយុចន្លោះ ១២ ដល់ ១៩ ឆ្នាំ ដែលរង្វាន់ទទួលមានគ្រឿងបន្លាស់កាមេរ៉ា Sony មួយចំនួន, សំបុត្រយន្តហោះ ថ្លៃស្នាក់នៅ រួមទាំងអាហារក្នុងទីក្រុងឡុងដុង ប្រទេសអង់គ្លេស និងនៅមានការផ្ដល់ជូនច្រើនផ្សេងទៀត។ ផ្ដើមទទួលរូបចាប់ពីថ្ងៃនេះដល់ថ្ងៃ ៤ មករា ២០១៨ ព័ត៌មានលម្អិតសូមចូលតំណភ្ជាប់នេះ Youth។

រូបជយលាភី Youth ឆ្នាំ ២០១៧

Student សម្រាប់សិស្សតាមសកលវិទ្យាល័យ ដែលរង្វាន់ទទួលបានគឺគ្រឿងបន្លាស់កាមេរ៉ា Sony តម្លៃជាង ៣ ម៉ឺនដុល្លារដើម្បីផ្គត់ផ្គង់ដល់សកលវិទ្យាល័យ, សំបុត្រយន្តហោះ ថ្លៃស្នាក់នៅ រួមទាំងអាហារក្នុងទីក្រុងឡុងដុង ប្រទេសអង់គ្លេស ហើយនៅមានការផ្ដល់ជូនច្រើនផ្សេងទៀត។

ផ្ដើមទទួលរូបចាប់ពីថ្ងៃនេះដល់ថ្ងៃ ៤ មករា ២០១៨ ព័ត៌មានលម្អិតសូមចូលតំណភ្ជាប់នេះ Student៕