ជំនន់មូសុង ឆក់យកជីវិតប្រជាជនឥណ្ឌាជាង ៥០០នាក់ និងប៉ះពាល់ ១៧លាននាក់ត្រឹមតែពីរបីថ្ងៃ

2017-08-30 01:37:18
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីរដ្ឋាភិបាលឥណ្ឌាប្រចាំរដ្ឋ Bihar ភាគខាងកើតប្រទេស បានថ្លែងកាលពីថ្ងៃអង្គារទី ២៩សីហា ម្សិលមិញថា យ៉ាងហោចណាស់មនុស្សចំនួន ៥១៤នាក់ បានស្លាប់បាត់បង់ជីវិតក្នុងរយៈពេលពីរបីថ្ងៃនេះ ដោយមនុស្សរាប់ពាន់ផ្សេងទៀតបានជ្រកក្នុងជុំរុំបណ្ដោះអាសន្នឆ្ងាយពីផ្ទះរបស់ពួកគេ។

រូបភាពផ្ដល់សិទ្ធិពី Reuters

ប្រជាជនប្រមាណ ១៧,១លាននាក់ក្នុងស្រុកចំនួន ២៩ នៃរដ្ឋខាងលើបានរងផលប៉ះពាល់ដោយសារទឹកជំនន់។ នេះបើតាមការបញ្ជាក់របស់រដ្ឋមន្ត្រីគ្រប់គ្រងគ្រោះមហន្តរាយរដ្ឋ Bihar លោក Dinesh Chandra Yadav។

កាលពីសប្ដាហ៍មុន លោកនាយករដ្ឋមន្ត្រីឥណ្ឌា ណារិន្ទដ្រា ម៉ូឌី បានពិនិត្យមើលស្ថានភាពទឹកជំនន់ក្នុងរដ្ឋ Bihar និងប្រកាសពីកញ្ចប់ថវិកាត្រូវជួយសង្គ្រោះមានប្រមាណ ៧៨លានដុល្លារ ក្រោយជួបប្រជុំជាមួយអភិបាលរដ្ឋ Bihar លោក Nitish Kumar។

ភ្លៀងមូសុង បានធ្លាក់យ៉ាងច្រើននៅតំបន់អាស៊ីអាគ្នេយ៍ ដោយកន្លែងខ្លះធ្វើឲ្យខូចខាតទ្រព្យសម្បត្តិ និងអាយុជីវិតមនុស្សជារៀងរាល់ឆ្នាំនៅចន្លោះខែកក្កដា និងខែកញ្ញា ប៉ុន្តែសម្រាប់ឥណ្ឌាឆ្នាំនេះ គឺធ្ងន់ធ្ងរជាងគេបំផុតក្នុងរយៈពេលប៉ុន្មានឆ្នាំចុងក្រោយ៕