តាមពិតអ្នកមានជាងគេក្នុងប្រវត្តិសាស្ត្រ មិនមែនមហាសេដ្ឋីបច្ចុប្បន្នទេ

2014-11-10 22:21:49
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋី ដែលមានជាងគេក្នុងពេលបច្ចុប្បន្ន គឺលោក Bill Gates ជាស្ថាបនិក និងជាប្រធានក្រុមហ៊ុន Microsoft ក្នុងរង្វង់ទ្រព្យសម្បត្តិ ៨២,២ពាន់លានដុល្លារ តាមពីក្រោយដោយមហាសេដ្ឋីទូរគមនាគមន៍ម៉ិកស៊ីកូ Carlos Slim។ ទោះយ៉ាងណា បុគ្គលទាំងពីររូបខាងលើ មិនមែនជាអ្នកមានជាងគេក្នុងប្រវត្តិសាស្ត្រនោះទេ។

ខាងក្រោមនេះ គឺជាបុគ្គលទាំង ៥រូប ដែលមានទ្រព្យសម្បត្តិច្រើនជាងគេបំផុតក្នុងប្រវត្តិសាស្ត្រមហាសេដ្ឋី៖

៥. លោក Alan Rufus (ទ្រព្យសម្បត្តិសរុប ១៤៩ពាន់លានដុល្លារ)

មហាសេដ្ឋីរូបនេះ គឺជាជនជាតិអង់គ្លេស ដែលមានកម្មសិទ្ធិដីដល់ទៅ ២៥០០០០រ៉ៃ នៅទូទាំងប្រទេសអង់គ្លេសក្នុងសតវត្សទី១១។ លោកបានស្លាប់នៅឆ្នាំ១០៩៣ ក្នុងវ័យ៥៣ឆ្នាំ។

៤. លោក Cornelius Vanderbilt (ទ្រព្យសម្បត្តិសរុប ១៨៥ពាន់លានដុល្លារ)

មហាសេដ្ឋីរូបនេះ គឺជាជនជាតិអាមេរិក ដែលកើតក្នុងឆ្នាំ១៧៩៤។ ប្រភពទ្រព្យសម្បត្តិរបស់លោក គឺបានមកពីការធ្វើជំនួញ ដោយទិញផ្លូវដែកជាច្រើនខ្សែក្នុងឆ្នាំ១៨៦២។ លោកបានស្លាប់នៅឆ្នាំ១៨៧៧ ក្នុងវ័យ ៨២ឆ្នាំ។

៣. ព្រះមហាក្សត្រ William The Conqueror (ទ្រព្យសម្បត្តិសរុប ២០៩ពាន់លានដុល្លារ)

ព្រះមហាក្សត្រអង្គនេះ គឺជាជនជាតិអង់គ្លេស និងក្លាយជាស្ដេចនៃប្រទេសអង់គ្លេសក្នុងឆ្នាំ១០៦៦ បន្ទាប់ពីទទួលជោគជ័យក្នុងការដណ្ដើមកាន់កាប់ដែនដីនេះ។ ព្រះអង្គបានសោយទិវង្គតនៅឆ្នាំ១០៨៧ ក្នុងព្រះជន្មាយុ ៥៩ព្រះវស្សា។

២. លោក Andrew Carnegie (ទ្រព្យសម្បត្តិសរុប ៣០៩ពាន់លានដុល្លារ)

មហាសេដ្ឋីរូបនេះ គឺជាជនជាតិស្កុតឡែនកាត់អាមេរិក។ ប្រភពទ្រព្យសម្បត្តិរបស់លោក គឺបានមកពីការវិនិយោគលើដែកថែបដែលកំពុងត្រូវប៉ាន់ខ្លាំងនៅសហរដ្ឋអាមេរិកក្នុងសម័យនោះ។ លោកបានស្លាប់នៅឆ្នាំ១៩៣៧ ក្នុងវ័យ ៨៣ឆ្នាំ។

១. លោក John D. Rockefeller (ទ្រព្យសម្បត្តិសរុប ៣៣៦ពាន់លានដុល្លារ)

ជនជាតិអាមេរិករូបនេះ គឺជាអ្នកមានជាងគេក្នុងប្រវត្តិសាស្ត្រ។ ប្រភពទ្រព្យសម្បត្តិរបស់លោក គឺបានមកពីក្រុមហ៊ុនប្រេងឥន្ធនៈ Standard Oil ដែលលោកបង្កើតឡើងក្នុងឆ្នាំ១៨៧០ តាំងពីលោកមានអាយុ ៣១ឆ្នាំ។ នៅពេលនោះ លោកបានទិញរោងចក្រចម្រាញ់ប្រេងជាច្រើននៅក្នុងសហរដ្ឋអាមេរិក ហើយគ្រប់គ្រងអាជីវកម្មប្រេងប្រមាណ ៩០% នៅទូទាំងសហរដ្ឋអាមេរិក។ លោកបានស្លាប់នៅឆ្នាំ១៩៣៧ ក្នុងវ័យ ៩៧ឆ្នាំ។

ចុចអាន៖ ១០ យ៉ាងដែលអ្នកគួរដឹងពីមហាសេដ្ឋីទឹកប្រាក់ពាន់លានដុល្លារ

ចុចអាន៖ មហាសេដ្ឋីក្នុងលោក រកចំណូលបានប្រាក់ពាន់លានក្នុងជំនួញ៥នេះ

ប្រែសម្រួល៖ គង់ វិសាល

ប្រភព៖ businessinsider