Porsche Cayenne ស៊េរី ២០១៩ ទើបចេញក្តៅៗ តម្លៃជាង ៦ មុឺនដុល្លារ

2017-09-01 03:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអង្គារកន្លងទៅនេះ ក្រុមហ៊ុនផលិតរថយន្តអាល្លឺម៉ង់ Porsche បានប្រកាសដាក់បង្ហាញជាផ្លូវការនូវប្រភេទ Cayenne ២ ម៉ូឌែលស៊េរីឆ្នាំ ២០១៩។

ក្រៅពីការរចនាតួខាងក្នុងយ៉ាងស្រស់ស្អាត រថយន្តប្រភេទ SUV មួយនេះ មានតម្លៃ ៦៦,៧៥០ ដុល្លារ(ធម្មតា) និងតម្លៃ ៨៣,៩៥០ ដុល្លារ(ស៊េរី S ទីផ្សារអាមេរិក)។ ក្រុមហ៊ុន Prorsche នៅអាមេរិកនឹងបើកលក់ជាផ្លូវការនៅពាក់កណ្ដាលឆ្នាំ ២០១៨។

ចំពោះប្រភេទរថយន្ត Cayenne ធម្មតានេះ បំពាក់នូវម៉ាស៊ីនប្រភេទ V6 Turbo ចំណុះ ៣,០ លីត្រនិងមានកម្លាំង ៣៤០ សេះ ហើយអាចរត់ពីល្បឿន 0 ទៅ ៩៦គ.ម/ម៉ ចំណាយពេល ៥,៦ វិនាទី និងមួយប្រភេទទៀត Cayenne S បំពាក់នូវម៉ាស៊ីនប្រភេទ V6 Twin-Turbo ចំណុះ ២,៩ លីត្រនិងមានកម្លាំង ៤៤០ សេះ ហើយអាចរត់ពីល្បឿនដដែល តែចំណាយពេលត្រឹម ៤,៦ វិនាទីប៉ុណ្ណោះ។

ក្រុមហ៊ុនខាងលើក៏មានគម្រោងដាក់បង្ហាញរថយន្ត Cayenne S ប្រភេទប្រើថាមពលអគ្គិសនី (E-Hybird) ផងដែរ ប៉ុន្តែមិនទាន់ប្រកាសជាផ្លូវការ ខណៈគេរំពឹងទុកអាចនឹងលេចចេញក្នុងពេលដ៏ខ្លីខាងមុខនេះ៕