រកឃើញសម្បត្តិធម្មជាតិដ៏មហាសាល កណ្ដាលព្រៃព្រឹក្សានៅពោធិ៍សាត់
- 2017-09-02 07:02:38
- ចំនួនមតិ 0 | ចំនួនចែករំលែក 0
រកឃើញសម្បត្តិធម្មជាតិដ៏មហាសាល កណ្ដាលព្រៃព្រឹក្សានៅពោធិ៍សាត់
ចន្លោះមិនឃើញ
កាលពីថ្ងៃទី០១ ខែកញ្ញា ឆ្នាំ២០១៧ មន្ត្រីឧទ្យានុរក្សដែនជម្រកសត្វព្រៃ ភ្នំសំកុស ខេត្តពោធិ៍សាត់បានចុះធ្វើការស្រាវជ្រាវតំបន់ទឹកធ្លាក់អូរជាំស្លា ក៏បានប្រទះឃើញទឹកធ្លាក់ដ៏ស្រស់ស្អាតបំផុត មិនមានទាន់មនុស្សធ្លាប់ទៅដល់ឡើយ។
បើតាមទំព័រហ្វេសប៊ុករបស់ក្រសួងបរិស្ថាន បានឱ្យដឹងថា តំបន់ដែលសក្ដានុពលទេសចរណ៍ធម្មជាតិនោះ មានចម្ងាយប្រហែល៣គីឡូម៉ែត្រ ពីផ្លូវជាតិលេខ៥៥។ ដោយសារមិនទាន់មានការអភិវឌ្ឍនៅឡើយ ដើម្បីទៅដល់ទឹកធ្លាក់សំងំលាក់ខ្លួនកណ្ដាលព្រៃនោះ អ្នកដំណើរត្រូវដើរដោយថ្មើរជើង ដោយចំណាយពេលប្រហែល៣០នាទី។
បើតាមការរៀបរាប់របស់ឧទ្យានុរក្ស បានប្រាប់ថា នៅតាមផ្លូវទៅកាន់ទឹកធ្លាក់ដ៏ស្រស់ស្អាតនោះ ពោរពេញដោយព្រៃឈើ លតាវល្លិ ផ្កាព្រៃចម្រុះគួរជាទីគយគន់។ ជាពិសេសមានល្អាងធំៗ រូងថ្ម សត្វស្វា និងសត្វចម្រុះ កំពុងរស់នៅយ៉ាងមានក្ដីសុខ។ ចំណែកទឹកជ្រោះមានច្រើនថ្នាក់ ហូរពុះជ្រែកកណ្ដាលព្រឹក្សាគ្រប់រដូវ។
គួរជម្រាបជូនថា សម្បត្តិធម្មជាតិដ៏វិសេសវិសាលនោះ ស្ថិតនៅក្នុង ឃុំថ្មដា ស្រុកវាលវែង ខេត្តពោធិ៍សាត់៕
សូមទស្សនាវីដេអូខាងក្រោមនេះ៖