ទីបំផុត! បទ "Hell” របស់ Sophia Kao អាចស្ដាប់នៅលើ Youtube បានហើយ (វីដេអូ)

2017-09-04 02:42:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ចម្រៀងដំបូងបំផុតរបស់អ្នកចម្រៀងបទតែងនិពន្ធថ្មី កៅ សុភា (Sophia Kao) បានចេញជាផ្លូវការហើយលើបណ្ដាញសង្គមយក្ស YouTube និង Facebook កាលពីយប់មិញនេះ។

បទនេះធ្លាប់ចេញជាផ្លូវការជាអស់រយៈពេល១ឆ្នាំមកហើយនៅលើ iTune, Spotify, និង Smart Music App ទើបតែយប់មិញនេះ បទដដែលត្រូវបានបង្ហោះជាផ្លូវការលើ Youtube។

នាងបានបញ្ជាក់ពីអត្ថន័យបទខាងលើថាបទ “Hell” គឺនិយាយរឿងរ៉ាវរបស់មនុស្សម្នាក់ដែលស្ម័គ្រចិត្តរងភាពឈឺចាប់ដើម្បីនៅក្បែរមនុស្សដែលខ្លួនស្រឡាញ់ ទោះបីជាគេសាងកំហុសប៉ុន្មានដង គិតអាក្រក់ពីយើង ឬទម្លាក់យើងនៅឋាននរកក៏ដោយ។ វាក៏មានន័យថា យើងព្យាយាមទ្រាំអត់ធន់ ដើម្បីមនុស្សម្នាក់ ព្រោះគេសក្ដិសមនឹងឲ្យយើងធ្វើបែបនេះ។

មិនត្រឹមតែប៉ុណ្ណោះ វារៀបរាប់ពីជីវិតស្នេហារវាងមនុស្ស២នាក់ដែលរឹតតែផ្អែមល្ហែមឡើងនៅគ្រាលំបាក និងការតស៊ូ តតាំងរាល់ឧបសគ្គដើម្បីបាននៅជាមួយគ្នា។

ក្រៅពីនោះ សុភា ក៏បានលើកឡើងដែរថា នាងនឹងត្រៀមចេញបទថ្មីមួយបទទៀត ក្នុងខែនេះផងដែរ។ តែមុននឹងស្ដាប់បទថ្មី តោះ ស្ដាប់ "Hell" ដែលល្បីថាមានអត្ថន័យជ្រាលជ្រៅនេះបន្តិចមើល៍៖