ទាំងស្អាត ទាំងពូកែ! តារាស្រី៩រូបដែលក្ដាប់ជំនួញធំៗនៅក្នុងដៃ
- 2017-09-05 03:41:21
- ចំនួនមតិ 0 | ចំនួនចែករំលែក 0
ទាំងស្អាត ទាំងពូកែ! តារាស្រី៩រូបដែលក្ដាប់ជំនួញធំៗនៅក្នុងដៃ
ចន្លោះមិនឃើញ
ក្រៅពីមានរូបសម្ផស្សស្រស់ស្អាត និងមានសមត្ថភាពខ្ពស់ក្នុងវិស័យសិល្បៈមានតារាស្រី៩រូបដែលត្រូវមហាជនកត់សម្គាល់ថា ពួកគេក៏មានជំនាញមិនធម្មតាក្នុងការធ្វើអាជីកម្ម ហើយថែមទាំងក្ដាប់ជំនួញធំៗទៀត។ ស្រ្តីទាំង៩រូបនេះរួមមាន៖
១ យុគ ចិន្តា៖ ក្រៅពីអាជីពជាពិធីការនី យុគ ចិន្តា ក្ដោបក្ដាប់ជំនួញហាងសរុប៥ទាំងក្នុង និងក្រៅប្រទេស ដូចជា ហាងកាត់សម្លៀកបំពាក់"អម" និងភោជនីយដ្ឋានបែបខ្មែរ "ស្លឹកឈូក" ដែលនៅចំកណ្ដាលរាជធានីភ្នំពេញតែម្ដង។ ដោយឡែកនាងមានហាងបីទៀតនៅសហរដ្ឋអាមេរិកដូចជា ហាង Video យុគ ចិន្ដាខ្មែរ ហាងនំប៉័ង Donat Simly និងហាងសំលៀកបំពាក់។
២ គង់ សុជាតិ៖ មិនចាញ់ពីពិធីការនីខាងលើ តារាស្រីជើងចាស់រូបនេះ ទើបតែបើកសម្ពោធ ហាង និងសាលាបណ្ដុះបណ្ដាលវិជ្ជាជីវៈថែរក្សាសម្ផស្ស "សុជាតិ" ថ្មីមួយ ដែលចំណាយទឹកប្រាក់អស់ចំនួន ២លានដុល្លារអាមេរិក នៅសង្កាត់ បឹងកក់ ខណ្ឌទួលគោក រាជធានីភ្នំពេញ។
៣ ខាត់ សុឃីម៖ សិល្បការនីពហុជំនាញរូបនេះបានធ្វើអាជីវកម្មទៅលើមុខរបរប្រពៃណី ដែលមានដូចជាសម្អាងការ ភ្លេងការ និងកាត់សក់ ហើយមានហាងថតរូបកន្លែង ដែលមានប្ដីជាជាងថតរូប។
៤ ចន ច័ន្ទលក្ខិណា៖ មិនត្រឹមតែមានហាងសាឡនដ៏ល្បីមួយទេ ប្រធានសមាគមសិល្បករខ្មែរ រូបនេះថែមទាំងបានបើកផលិតកម្មភាពយន្តថ្មីមួយដែលមានឈ្មោះថា "សិល្បៈខ្មែរភាពយន្ត"។
៥ យក់ ថិតរដ្ឋា៖ ក្រោយពីបញ្ចប់ជំនួញលក់ម្ហូបអាហារបែបថៃ តារាស្រីរូបនេះបានក្លាយជាម្ចាស់ហាង Factory Pub ដ៏ល្បីនៅក្នុងក្រុងភ្នំពេញ។
៦ គង់ ចាន់ស្រីមុំ៖ ស្រីស្អាតរូបនេះ បានបើកដំណើរការហាងមួយដែលដាក់លក់ផលិតផលគ្រឿងសម្អាង Momo ផ្ដាច់មុខពីប្រទេសថៃ។ ហាងដ៏ធំរបស់នាងមាន២សាខា គឺ១នៅភ្នំពេញ និង១ទៀតទើបតែបើកដំណើរការនៅខេត្តសៀមរាប និង ជាម្ចាស់ភោជនីយដ្ឋាន Bottom Up ផងដែរ។
៧ ដួង ហ្សូរីដា៖ ក្រៅពីមើលការខុសត្រូវលើហាងលក់សម្លៀកបំពាក់ "ដាណាម៉ា កាត់ដេរ" តារាស្រីរូបនេះមានហាងលក់ផលិតផលថែសម្រស់ដ៏ធំមួយទៀតឈ្មោះ "មុទិតា"។
៨ ផាន់ ម៉ូនីកា៖ នរណាៗ ក៏ស្គាល់ដែរហាងស៊ុបដ៏ល្បី កាកាស៊ូគី ដែលជាកម្មសិទ្ធរបស់អតីតតារាចម្រៀងស្រីដែលមានងារជា ជំទាវ ផាន់ ម៉ូនីកា។
៩ អេនជី៖ តារាចម្រៀងរូបនេះមានហាងលក់សំលៀកបំពាក់ កាបូប នាឡិកា ដែលសុទ្ធតែជាផលិតផលម៉ាកល្បីនាំចូលពីក្រៅប្រទេស និងហាងអាហារយីហោ Mr. Oyster ស្ថិតនៅតាមបណ្ដោយផ្លូវ វ៉េងស្រេង៕