រកឃើញ Black Hole ធំជាងព្រះអាទិត្យ ១០០ ០០០ ដងនៅចំកណ្តាលហ្កាឡាក់ស៊ី Milky Way
- 2017-09-05 13:07:00
- ចំនួនមតិ 0 | ចំនួនចែករំលែក 0
រកឃើញ Black Hole ធំជាងព្រះអាទិត្យ ១០០ ០០០ ដងនៅចំកណ្តាលហ្កាឡាក់ស៊ី Milky Way
ចន្លោះមិនឃើញ
Black Hole ប្រភេទថ្មីត្រូវបានរកឃើញនៅកណ្តាលហ្កាឡាក់ស៊ី Milky Way ដែលរបកគំហើញនេះអាចជួយពន្យល់ពីការវិវត្តន៍នៃបាតុភូតដ៏អស្ចារ្យរបស់វាឱ្យអ្នកវិទ្យាសាស្ត្របានដឹង។
ការស្រាវជ្រាវដឹកនាំដោយក្រុមតារាវិទូជប៉ុនប្រើប្រាស់ស្ថានីយ៍អង្កេតតេឡេស្កុប ALMA ក្នុងភាគខាងជើងប្រទេសឈីលីមាន black hole ទំហំធំជាងព្រះអាទិត្យដល់ទៅ ១០០ ០០០ ដងឯណោះត្រូវបានរកឃើញក្នុងពពកសឧស្ម័នម៉ូលេគុលយក្ស ។ ទំហំដ៏ធំរបស់វាត្រូវបានគេកំណត់ជា black hole ទំហំមធ្យម intermediate-mass black hole (IMBH) ។
លោក Tomoharu Oka សាស្រ្តាចារ្យនៃសកលវិទ្យាល័យជប៉ុន Keio University ជឿជាក់ថា black hole ដែលមានទំហំធំជាងព្រះអាទិត្យស្ថិតនៅចំកណ្តាលហ្វូងហ្កាឡាក់ស៊ី និងផ្នែកមួយសំខាន់ចំពោះការពង្រីកខ្លួនរបស់វា ។ IMBH គឺជា black hole ធំជាងគេទីពីររកឃើញក្នុង Milky Way បន្ទាប់ពី Sagittarius A* ដែលធំជាងព្រះអាទិត្យ ៤០០ លានដង ។ ដោយប្រើប្រាស់តេឡេស្កុប ALMA ក្រុមតារាវិទូបានសង្កេតមើលពីពពកច្រើនជាង ១៩៥ ឆ្នាំពន្លឺ (១ពន្លឺឆ្នាំស្មើនឹង 9,500,000,000,000 គីឡូម៉ែត្រ) ពីចំណុចកណ្តាលនៃហ្កាឡាក់ស៊ី Milky Way ។
ការរកឃើញនេះក៏បានចុះផ្សាយលើព្រឹត្តិប័ត្រ Nature Astronomy ខណៈលោក Oka ប្រើកុំព្យូទ័រ ដើម្បីបង្ហាញចលនាល្បឿនកម្រិតខ្ពស់នៃពពកយក្សក្រោយមកក្រុមការងាររបស់លោកបានសន្និដ្ឋានថា ជាសញ្ញាដែលវាកំពុងស្ថិតនៅជុំវិញ black hole។
គួរបញ្ជាក់ថា Black Hole គឺជាតំបន់ពេលវេលាមានកម្លាំងទំនាញដ៏ខ្លាំងក្លា ។ យោងតាមទ្រឹស្តីមួយចំនួនឱ្យដឹងថា ហ្កាឡាក់ស៊ី Milky Way គួរតែជាកន្លែងមាន black hole តូចៗ ១០០ លានប្រភេទទៀតឯណោះតែមាន ៦០ លានប្រភេទប៉ុណ្ណោះត្រូវបានរកឃើញ ។ ដោយឡែកសាស្រ្តាចារ្យ Brooke Simmons នៅសកលវិទ្យាល័យ University of California និយាយថា black hole តូចៗតែងតែកើតមាននៅពេលតារារលត់បាត់សូន្យសុង៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
