Samsung នឹងផលិតបាស់មានបច្ចេកវិទ្យា AI ឡូយជាង Google និង Amazon

2017-09-05 12:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Samsung នឹងផលិតឧបករណ៍បំពងសំឡេង (បាស់) មានបច្ចេកវិទ្យា AI ដើម្បីប្រជែងជាមួយ AIរបស់ Google និង Amazon នៅឆ្នាំក្រោយបន្ទាប់ពីរកបានដៃគូពិសេស។

រូបតំណាង AI ក្នុងវេជ្ជសាស្រ្ត

ក្រោយទិញបានក្រុមហ៊ុនអេឡិចត្រូនិកអាមេរិក Harman International Industries Inc. តម្លៃ ៨ ប៊ីលានដុល្លារ កាលពីខែមិនាកន្លងទៅ Samsung ត្រៀមនឹងផលិតឧបករណ៍បំពងសំឡេងដែលដំណើរការដោយបច្ចេកវិទ្យា AI សម្រាប់ប្រជែងទីផ្សារជាមួយក្រុមហ៊ុនល្បីៗដូចជា Google និង Amazon ជាដើម ។

លោក Paliwal នាយកប្រតិបត្តិ Harman

លោក Paliwal និយាយថា ការចូលរួមផលិត និងស្រាវជ្រាវក្នុងកម្រិតខ្ពស់លើឧបករណ៍បំពងសំឡេងកំពុងដំណើរការហើយAI ដែលមានក្នុងបាស់នេះទំនើបជាងGoogle Assistant និង Alexa ។ ពោលគឺវាអាចភ្ជាប់ជាមួយឧបករណ៍ផ្ទះបាយ និងឧបករណ៍ចល័តដ៏ទៃផ្សេងទៀតរបស់ក្រុមហ៊ុនប្រៀបដូចជាប្រព័ន្ធអេកូបច្ចេកវិទ្យាថ្មីសន្លាងមួយ។

គម្រោងដ៏អស្ចារ្យនេះ ត្រូវបានក្រុមហ៊ុនទាំងពីរធ្វើឡើងអំឡុងកិច្ចប្រជុំបិទទ្វារជាងកន្លះម៉ោង នៅឯព្រឹត្តិការណ៍តាំងពិពណ៌ផលិតអេឡិចត្រូនិក IFA 2017 នៅក្រុងប៊ែរឡាំងប្រទេសអាល្លឺម៉ង់ ហើយគេក៏សង្ឃឹមថា អាចបង្ហាញខ្លួននាពេលឆាប់ៗខាងមុខនេះ៕

ចុចអានបន្ត៖

ប្រភព៖ The Nation ប្រែសម្រួល៖ សិរីបុទ្រ