វិធីលុប Keyboard language ឲ្យបាត់ពី iPhone ឬ iPad

2017-09-06 03:08:47
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកធ្លាប់ Enable Keyboard language ដទៃទៀតលើ iPhone ឬ iPad ដែលអ្នកមិនបានប្រើយូរហើយដែរឬទេ? ប្រហែលជាអ្នករកឃើញនូវ Keyboard language ថ្មីដែលអ្នកមិនធ្លាប់បានបន្ថែម ហើយចង់លុបវាពី iOS។ ការបន្ថែម Keyboard language ណាមួយបង្ហាញលើ icon globe តូចមួយលើ Keyboard របស់ iOS device ប្រសិនបើវា Enable វាអាចឲ្យអ្នកផ្លាស់ប្ដូរ Keyboard language បានយ៉ាងរហ័ស ប៉ុន្តែប្រហែលជាអ្នកមិនប្រើវាតទៅទៀតទេ ហើយអ្នកចង់លុបវាពី iPhone ឬ iPad របស់អ្នក។ អ្នកក៏អាចប្រើប្រាស់បច្ចេកទេសនេះដើម្បីលុប Emoji keyboard ឬ Third-party keyboard ផងដែរ ប្រសិនបើហេតុផលណាមួយដែលអ្នកមិនចូលចិត្ត Keyboard language ទាំងនោះលើ iOS ហើយចង់លុបវាចោលតែម្ដង អ្នកអាចអនុវត្តតាមវិធីខាងក្រោម៖

ចំណាំថា អ្នកត្រូវតែមានច្រើនជាងមួយ Keyboard languages ដែលបាន Enable ទើបអាចលុបមួយចោលបាន។ អ្នកមិនអាចលុបនូវ Primary language keyboard ពី iOS បានទេ។ ខាងក្រោមជាដំណើរការសម្រាប់លុប៖

១. បើកកម្មវិធី Settings ហើយចូលទៅកាន់ General និងជ្រើសយក Keyboards

២. ក្នុងបញ្ជី Keyboards អូសសង្កត់មកឆ្វេងលើ Keyboard ដែលអ្នកចង់ធ្វើការលុប

៣. ចុចលើប៊ូតុង Delete ដែលបង្ហាញនោះ

៤. ប្រសិនបើអ្នកចង់លុប Keyboard language ដទៃទៀតអ្នកអាចអនុវត្តបានរបៀបដដែលខាងលើ

ប្រិយមិត្តក៏អាចជ្រើសរើស Edit ហើយបន្ទាប់មកចុចលើប៊ូតុង Delete (-) ពណ៌ក្រហម ដើម្បីលុប Keyboards ពី iOS បានផងដែរ។

មួយវិញទៀត អ្នកមិនអាចលុបនូវ Primary language keyboard ពី Device របស់អ្នកបានទេ ដូច្នេះប្រសិនបើ Device អ្នកបង្កើតជាមួយនឹងភាសាអង់គ្លេស ដែលអ្នកបានជ្រើសរើសពេល Setting up iPhone ឬ iPad ដើម្បីចាប់ផ្តើមជាមួយ អ្នកមិនអាចលុប English keyboard បានទេ។ ចំណាំថា អ្នកក៏អាចបន្ថែមនូវ Keyboards ថ្មីសម្រាប់ភាសាបរទេស និង Emoji ពី Keyboard settings menu នេះបានផងដែរ ដែល Keyboard បន្ថែមថ្មីណាមួយអាចឲ្យអ្នកប្តូររវាងភាសាទាំងនោះគ្រប់ពេលក្នុង iOS ពេល Keyboard បង្ហាញ៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ osxdaily ប្រែសម្រួល ៖ ប៊ុន ធឿន