ត្រឹម៣ថ្ងៃ រឿងឈរលើតារាង Box Office លេខ១សប្ដាហ៍នេះ រកចំណូលបានខ្ទង់រយលានដុល្លារ

2017-09-11 03:57:25
ចំនួនមតិ 0 | ចំនួនចែករំលែក 0

ចន្លោះមិនឃើញ

“It” ជាប្រភេទរឿងបែបរន្ធត់ អាថ៌កំបាំង បានដណ្ដើមលេខ១ក្នុងតារាង Box Office សហរដ្ឋអាមេរិកជាមួយនឹងទឹកប្រាក់ដល់ទៅ ១១៧,១លានដុល្លារ ក្នុងរយៈពេលតែ៣ថ្ងៃសម្រាប់សប្ដាហ៍ដំបូង។

ចំនួនទឹកប្រាក់នេះគឺកំណត់ថាជាទឹកប្រាក់ច្រើនបំផុតសម្រាប់រឿងដាក់បញ្ចាំងក្នុងខែកញ្ញា បំបាក់រឿង "Hotel Transylvania 2” ដែលធ្លាប់ជាម្ចាស់តំណែងនេះ។ "It” គឺជាស្នាដៃថ្មីមួយរបស់អ្នកនិពន្ធល្បីឈ្មោះ Stephen King បានទទួលការជោគជ័យខ្លាំង ធ្វើឲ្យចំនួនទឹកប្រាក់ Box Office មានការកើនឡើង បន្ទាប់ពីចំនួនទឹកប្រាក់បានធ្លាក់ចុះយ៉ាងគំហុក បើប្រៀបធៀបពីក្នុងរយៈពេលជាង២០ឆ្នាំមកនេះកាលពីសប្ដាហ៍មុន។

Poster រឿង "It"

“It” ទទួលបានជោគជ័យយ៉ាងត្រចេះត្រចង់យ៉ាងនេះ គឺបណ្ដាលមកពីការផ្សព្វផ្សាយបានល្អ និងមានការនិយាយតគ្នាពីមាត់មួយទៅមាត់មួយមិនឈប់ ធ្វើឲ្យមនុស្សជាច្រើនសម្រុកទៅមើលរឿងនេះយ៉ាងកុះករ។ រឿងនេះគេបានកំណត់រួចហើយថា នឹងក្លាយជារឿងដ៏ល្អមួយដែលអាចរកចំណូលបានយ៉ាងច្រើនក្នុងឆ្នាំ ២០១៧។

តំណែងលេខ២ក៏បានទៅលើរឿងចំណូលថ្មីដែរ គឺរឿង "Home Again” ជារឿងសម្ដែងដោយតារាសម្ដែង Reese Witherspoon រកចំណូលបាន ៩លានដុល្លារក្នុងរយៈពេល៣ថ្ងៃបន្ទាប់ពីដាក់បញ្ចាំង។

Poster រឿង "Home Again"

ស្ថិតក្នុងចំណាត់ថ្នាក់លេខ ៣ គឺបានទៅលើរឿង "The Hitman's Bodyguard” រកប្រាក់បាន ៤,៨លានដុល្លារក្នុងសប្ដាហ៍ទី៤។ នេះបានធ្វើឲ្យទឹកប្រាក់ចំណូលសរុបតែក្នុងសហរដ្ឋអាមេរិកឡើងដល់ ៦៤,៨លានដុល្លារហើយ។

រឿង "Annabelle: Creation” រកប្រាក់ចំណូលបាន ៤លានដុល្លារ ធ្វើឲ្យរឿងនេះទទួលបានចំណាត់ថ្នាក់លេខ៤ ជាមួយនឹងចំណូលសរុប ៩៦,២លានដុល្លារ។

“Wind River” ជាប់ចំណាត់ថ្នាក់លេខ ៥ ជាមួយទឹកប្រាក់ ៣,២លានដុល្លារ ស្របពេលដែលរឿង "Leap!” ជាប់ចំណាត់ថ្នាក់លេខ ៦ រកចំណូលបាន ២,៥លានដុល្លារ។

ក្នុងសប្តាហ៍ទី៧ "Spider-Man: Homecoming” នៅតែមានលទ្ធភាពស្ថិតក្នុងតារាង Box Office ជាមួយទឹកប្រាក់ ២ លានដុល្លារ ធ្វើឲ្យទឹកប្រាក់សរុបគឺ ៣២៧,៧លានដុល្លារ។

ភាពយន្តបែបសង្គ្រាមរបស់លោក Christopher Nolan រឿង "Dunkirk” ជាប់ចំណាត់ថ្នាក់លេខ ៨ ជាមួយទឹកប្រាក់ ១,៩លានដុល្លារ។ ចណែកឯរឿង "Logan Lucky” ទទួលតំណែងលេខ ៩ រកប្រាក់បាន ១,៨លានដុល្លារ ខណៈរឿង "The Emoji Movie” បានចំណាត់ថ្នាក់លេខ១០ ជាមួយចំណូល១លានដុល្លារ៕

នេះជា Trailers រឿងចំណូលថ្មី៖