ចាប់ខ្លួនម្ចាស់ហាងទុរេនម្នាក់ បន្ទាប់ពីរកឃើញទុរេនជ្រលក់ថ្នាំគីមីរាប់សិបតោន

2017-09-12 12:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងតំបន់ភាគកណ្ដាលប្រទេសវៀតណាម ខេត្ត Kon Tum ម្ចាស់ហាងលក់ដុំ ផ្លែធូរេនត្រូវបានចាប់ខ្លួនកាលពីពេលថ្មីៗនេះ បន្ទាប់ពីប៉ូលិសរកឃើញមានការប្រើប្រាស់ថ្នាំគីមីដើម្បីធ្វើឲ្យធូរេនឆាប់ទុំ។

បើតាមសំដីប៉ូលិស ហាងនេះមានទីតាំងនៅក្នុងទីរួមខេត្តនេះតែម្ដង ដោយមានម្ចាស់ជាស្ត្រីឈ្មោះ Tran Thi Tuyet។ បើតាមប្រភពដដែល ប៉ូលិសប្រទះឃើញជាក់ស្ដែង អ្នកធ្វើការក្នុងហាងលក់ធូរេនមួយនេះ កំពុងជ្រលក់ធូរេន ជាមួយសារធាតុគីមីពណ៌លឿន និងមានក្លិនស្អុយ។

ស្ត្រីម្ចាស់ហាងនេះ បានសារភាពប្រាប់ប៉ូលិសថា សារធាតុគីមីនេះជាសារធាតុម្យ៉ាងដើម្បីធ្វើឲ្យធូរេនឆាប់ទុំ។ ស្ត្រីរូបនេះបានបន្តទៀតថា ពេលដែលជ្រលក់ធូរេនជាមួយនឹងថ្នាំគីមីហ្នឹងទៅ ធូរេននឹងទុំក្នុងរយៈពេល ២ថ្ងៃ ចំណេញពេល និងលុយ ហើយធ្វើឲ្យធូរេនទាំងនេះឡើងថ្លៃទៀតផង។ បើតាមម្ចាស់ហាងដដែលនេះ ធូរេនជ្រលក់ថ្នាំទាំងនេះ មានទម្ងន់សរុបជាង ២តោន ហើយគ្រោងនឹងចែកចាយទៅកន្លែងលក់តូចៗផ្សេងៗក្នុង ខេត្ត Kon Tum និងរដ្ឋធានីរបស់វៀតណាម ទីក្រុង Hanoi។

ប៉ូលិសបានដកហូតធូរេនទាំងអស់ក្នុងហាងនេះ ដើម្បីយកទៅកម្ទេចចោល។ លោក Bui Thi Hoa អនុប្រធានអង្គភាពបង្ការបទល្មើសបរិស្ថាន បានថ្លែងក្នុងន័យថា វាមិនមែនជារឿងថ្មីទេ ដែលអ្នកលក់ដុំផ្លែឈើប្រើប្រាស់សារធាតុគីមីប្រភេទនេះ បើទោះជាគេដឹងថាហើយថាវាប៉ះពាល់ដល់សុខភាព។

លោក Hoa បានបន្តទៀតថា៖ "ទោះជាយ៉ាងណាក៏ដោយ ពេលដែលចាប់បានពេលកំពុងជ្រលក់ថ្នាំគីមីអ៊ីចឹង វាជារឿងធំ"៕