អ្នកភូមិឥណ្ឌូនេស៊ីចាប់ផ្ដើមពិធីគាស់សពសាច់ញាតិ លើកបីដើរទៅផ្ទះ

2017-09-13 01:29:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនជាតិភាគតិចឥណ្ឌូនេស៊ីក្នុងតំបន់មួយ បានធ្វើពិធីគាស់សាកសពសាច់ញាតិបងប្អូន និងមិត្តភ័ក្ដិ រួចនាំទៅផ្ទះកំពុងទាក់ទាញចំណាប់អារម្មណ៍អន្តរជាតិ។

ពួកគេបានបោសសម្អាត និងស្លៀកពាក់ខោអាវថ្មីៗឲ្យសាកសព មុនពេលនាំដើរត្រលប់ទៅផ្ទះវិញ ព្រោះមានជំនឿថានឹងធ្វើឲ្យការប្រមូលផលទទួលបានទិន្នផលល្អ។ ជារៀងរាល់ឆ្នាំគ្រួសារជនជាតិភាគតិច Toraja រស់នៅតាមតំបន់ភ្នំ ខេត្ត Sulawesi ខាងត្បូង តែងតែធ្វើពិធីនាំសាកសពឪពុកម្ដាយ សាច់ញាតិ បងប្អូន និងមិត្តភ័ក្ដិនានាយកទៅភូមិពួកគេដើម្បីប្រារព្ធពិធីប្រចាំឆ្នាំហៅថា Ma'nene ដែលមានរយៈពេល ៣ថ្ងៃ។

មុនពេលគាស់ឡើង ក្រុមគ្រួសារទាំងនោះបានបើកគម្របមឈូស ទុកឲ្យសាកសពស្ងួតសិន ទើបពួកយកមកភូមិ។ ពួកគេបានដង្ហែសាកសពដោយលើកបីកាត់តាមភូមិ មើលទៅដូចខ្មោច Zombie អីចឹងដែរ។ អ្វីដែលគេហាម គឺមិនឲ្យយំ និងកាន់ទុក្ខទេ ព្រោះជាគោរពសាកសព។

លើសពីនេះ គ្រប់គ្នាត្រូវធ្វើចិត្តឲ្យសប្បាយរីករាយ ព្រោះបានជួបជាមួយសាច់ញាតិវិញហើយ។ បន្ទាប់ពីដង្ហែរួចរាល់ អ្នកភូមិបានបូជាក្របី និងជ្រូកជាគ្រឿងសំណែនឲ្យសាកសពដើម្បីជាផ្លូវទៅកាន់ឋានសួគ៌។

ពិធីចម្លែកនេះបានចាប់ផ្ដើមជាច្រើនសតវត្សរ៍មកហើយ គឺមានរឿងដំណាលមកថា មានព្រានព្រៃម្នាក់បានប្រទះឃើញសាកសពពុកផុយ រួចគាត់មានចិត្តអាណិតក៏យកខោអាវរបស់គាត់ ស្លៀកពាក់ឲ្យសាកសព រួចកប់យ៉ាងសមរម្យ។ បន្ទាប់ពីកប់រួចហើយ គាត់តែងតែជួបរឿងសំណាងៗរហូត។ ជនជាតិភាគតិច Trojan ក៏ចាប់ផ្ដើមបញ្ជ្រាបរឿងព្រេងនេះតៗគ្នា រួចក៏ចាប់ផ្ដើមមានពិធី Ma'nene រហូតដល់បច្ចុប្បន្នតែម្ដង៕