កូនកំលោះ១៦ឆ្នាំ ល្បីរៀបការប្រពន្ធអាយុ ៧១ឆ្នាំ តែងតែចាក់សោប្រពន្ធទុក ព្រោះ..

2017-07-12 04:19:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្ដីប្រពន្ធថ្មីថ្មោងល្បីខ្លាំងនៅឥណ្ឌូណេស៊ី ព្រោះអាយុខុសគ្នាស្មើជីដូន
ធ្លាប់គំរាមធ្វើអត្តឃាតទាំងពីរនាក់ បើគ្រួសាររៀបការឲ្យ
រៀបការរួចប្ដីតែងតែចាក់សោប្រពន្ធក្នុងផ្ទះពេលខ្លួនដើរចេញក្រៅ ទោះមួយភ្លែតក៏ដោយ

កាលពីសប្ដាហ៍មុន គូស្នេហ៍ខុសជំនាន់គ្នាខ្លាំងមួយគូ បានសម្រេចដឹកដៃគ្នាក្រាបផ្ទឹម បន្ទាប់ពីគំរាមគ្រួសារទាំងសងខាងធ្វើអត្តឃាត បើសិនមិនព្រមរៀបការឲ្យបានជាគ្នា។

កូនកំលោះមានឈ្មោះ Selamet Riadi អាយុ ១៦ឆ្នាំ និងកូនក្រមុំ Rohaya អាយុ ៧១ឆ្នាំ អ្នកទាំងពីររស់នៅក្នុងភូមិ Ogan Komering Ulu ទីក្រុងស៊ូម៉ាត្រាខាងត្បូង ប្រទេសឥណ្ឌូណេស៊ី។ អាពាហ៍ពិពាហ៍នេះ បានធ្វើឲ្យមនុស្សជាច្រើនភ្ញាក់ផ្អើល ពីព្រោះតែគំលាតអាយុដាច់ឆ្ងាយគ្នាខ្លាំងពេក។

ទោះបីជាទទួលពាក្យសើចចំអកពីមនុស្សជាច្រើន យុវជន Selamet និង Rohaya នៅតែបន្តបង្ហាញក្ដីស្រលាញ់ចំពោះគ្នាជាសាធារណៈតាំងពីមិនទាន់រៀបការ និងក្រោយរៀបការ។

ក្នុងបទសម្ភាសន៍ជាមួយសារព័ត៌មានក្នុងស្រុក Detik ថ្មីៗនេះ លោក Selamat បានសារភាពថា ខ្លួនងាយប្រចណ្ឌណាស់នៅពេលមានបុរសណាមកក្បែរប្រពន្ធរបស់ខ្លួន និងនារីណាមកធ្វើបាបប្រពន្ធ ដូច្នេះគាត់សម្រេចចិត្តចាក់សោប្រពន្ធទុកក្នុងផ្ទះ នៅពេលចេញទៅក្រៅម្ដងៗ។ " បាទ, ខ្ញុំចាក់សោប្រពន្ធទុក ព្រោះខ្ញុំខ្លាចថាមានបុរសផ្សេងចូលផ្ទះ ពេលខ្ញុំចេញទៅម្ហូបអាហារ ឬបារី ប៉ុន្តែខ្ញុំនឹងដោះសោ ពេលត្រឡប់មកផ្ទះវិញ"។ Selamat បញ្ជាក់។

បើតាមប្រភពមួយបានផ្សាយថា បន្ទាប់ពីរៀបការរួចពួកគេបានធ្វើដំណើរទៅក្រេបទឹកឃ្មុំដល់ទីក្រុងស៊ូម៉ាត្រាខាងត្បូង ខេត្ត Palembang និងបានថតរូបផ្អែមល្ហែមជាច្រើនសន្លឹក។ លើសពីនេះ Selamat ក៏បានបង្ហាញអារម្មណ៍ចង់បានកូនម្នាក់ជាមួយប្រពន្ធជាទីស្រលាញ់ Rohaya ផងដែរ។

តាមច្បាប់អាពាហ៍ពិពាហ៍ឥណ្ឌូណេស៊ី បុរសអាចរៀបការបានត្រូវមានអាយុយ៉ាងតិច ១៩ឆ្នាំ និងស្ត្រីអាយុ ១៦ឆ្នាំឡើងទៅ។ ចំណែកអាពាហ៍ពិពាហ៍គូស្នេហ៍អតីតជាតិខាងលើ មិនបានស្របតាមច្បាប់រដ្ឋទេ ប៉ុន្តែតាមប្រពៃណីសាសនា៕