ងាយៗសម្រាប់អ្នកមិនទាន់ចេះសោះ វិធីបង្ហោះវីដេអូចូលទៅ YouTube

2017-09-13 01:55:57
ចំនួនមតិ 0 | ចំនួនចែករំលែក 0

ចន្លោះមិនឃើញ

YouTube ត្រូវបានគេស្គាល់ជាគេហទំព័រដ៏ធំបំផុតមួយ ខាងផ្នែកផ្សព្វផ្សាយវីដេអូ Online។ ជឿជាក់ថានៅមានប្រិយមិត្តជាច្រើន នៅមិនទាន់ចេះច្បាស់ពីវិធីបង្ហោះវីដេអូទៅលើគេហទំព័រនោះនៅឡើយ។ ថ្ងៃនេះ Sabay បង្ហាញអ្នកទាំងអស់គ្នាឲ្យបានដឹង ទោះមិនទាន់ចេះសោះក៏អាចធ្វើបានដែរ។

១.ចូលទៅកាន់គេហទំព័រ YouTube.com > ចុចលើពាក្យ Sign In (តម្រូវឲ្យប្រើគណនី Gmail) #វិធីបង្កើតគណនី Gmail

២.ចុចប៊ូតុង Upload ដែលមាននៅផ្នែកខាងលើគេបង្អស់ (រាងសញ្ញាព្រួញបាញ់ឡើងលើ)

៣.ការកំណត់កម្រិតចែកចាយវីដេអូ > ចុចត្រង់លើប៊ូតុង Public (ចែកចាយជាសាធារណៈ), Unlisted (លុះត្រាអ្នកស្គាល់ Link ទើបអាចមើលបាន), Private (ជាលក្ខណៈសម្ងាត់), Scheduled (ការកំណត់ថេរវេលាបង្ហោះទុកជាមុន)។

៤.ការបំពេញព័ត៌មានទាក់ទងវីដេអូ:

ផ្នែកនៃ Basic Info > ប្រអប់ខាងលើបង្អស់បំពេញចំណងជើងនៃវីដេអូ > ត្រង់ Description បំពេញអត្ថន័យនៃវីដេអូ
ផ្នែក Translation > អ្នកអាចបញ្ចូលនូវ Subtitle លើវីដេអូ គ្រប់ភាសាដែលអ្នកចង់បាន
ផ្នែក Advanced Settings > អនុញ្ញាតឲ្យអ្នកធ្វើការគ្រប់គ្រង Comment និង Rating បន្សំវីដេអូប្រភេទ 3D និងផ្សេងៗទៀត។

៥.ការបញ្ចូលរូបតាំងមុខវីដេអូ > នៅផ្នែកខាងក្រោម ត្រង់ពាក្យ Video Thumbnail > សូមរើសរូប ២ ទៅ ៣ សន្លឹកព្រោះរូបនោះនឹងបង្ហាញនៅផ្នែកតាំងខាងមុខវីដេអូ > ក្រោយរើសចប់ហើយ ចុច Done ដើម្បីបង្ហោះ

៦.ការគ្រប់គ្រងវីដេអូ > ចុចលើគណនីរបស់អ្នកនៅផ្នែកខាងលើ > យកពាក្យ Create Studio > យក Video Manager > ត្រង់់នេះនឹងបង្ហាញពីចំនួន View, Comment, Like/Unlike លើប្រភេទវីដេអូដែលអ្នកបង្ហោះ។