ហេតុអ្វីបានជាការថតរូប Portraits ចាំបាច់ប្រើ Lens 70-200mm?

2017-09-12 02:25:11
ចំនួនមតិ 0 | ចំនួនចែករំលែក 0

ចន្លោះមិនឃើញ

មានចំណុចជាច្រើនដើម្បីពិចារណា ពេលថតយក Subjects ដូចជា ពន្លឺ ការបង្ហាញអារម្មណ៍ សាច់រឿងជាដើម។ មុនពេលអ្នកចាប់ផ្ដើម អ្នកប្រហែលជាត្រូវការដឹងនូវប្រភេទ Lens ដែលប្រើប្រាស់ឲ្យសមនឹងទិដ្ឋភាព និងស្ថានភាព។ ការចាប់យក Subject ជាមួយនឹង Wide angle lens អាចឲ្យអ្នកប្រាប់ពីសាច់រឿង ឬទិដ្ឋភាពបានធំទូលាយ។ ប្រសិនបើអ្នកចង់បង្ហាញពីមនុស្សម្នាក់ដែលមានប្រតិកម្ម ឬបង្ហាញអារម្មណ៍លើអ្វីដែលនៅជុំវិញ អ្នកអាចប្រើប្រាស់ Lens នេះបាន។

សម្រាប់ Wide angle lens អ្នកអាចជួបបញ្ហាខ្លះពេលថតរូបមុខ ឬក្បាលនរណាម្នាក់ រូបភាពនឹងមានលក្ខណៈទាញរីកដើម្បីឲ្យមើលទៅធំទូលាយ ម្យ៉ាងទៀតមនុស្សជាច្រើនមិនចង់ឃើញរូបពួកគេបែបនេះនោះទេ។

ប្រសិនបើអ្នកចង់បានរូបភាពដែលមានសមាមាត្រមុខស្អាត និងត្រឹមត្រូវ អ្នកគួរពិចារណាក្នុងការថតជាមួយនឹង Telephoto lens ដែលអាចជាប្រភេទ 70-200mm f/2.8 ជាដើម។

មានហេតុផលដែលជាគន្លឹះមួយចំនួនទៅលើការថតរូបលក្ខណៈ Portrait ជាមួយនឹង Telephoto lens ដើម្បីបង្កើតលទ្ធផលឲ្យបានល្អប្រសើរ ហើយម្យ៉ាងទៀតវាក៏ផ្ដល់ឲ្យអ្នកនូវរូបរាងផ្ទៃមុខបានកាន់តែត្រឹមត្រូវផងដែរ។

Aperture f/2.8 បង្កើតនូវ Depth of field ដ៏អស្ចារ្យ ដែលមានព្រាលលើផ្ទៃខាងក្រោយ ហើយធ្វើឲ្យ Subject មានការ Focus បានល្អ បើប្រៀបធៀបនឹង Kit lens ជាមួយនឹង Aperture settings តូចដែលធ្វើឲ្យផ្ទៃខាងក្រោយមានការ Focus ច្រើន។ Aperture ទំហំធំរបស់ Telephoto lens ក៏អាចឲ្យពន្លឺបន្ថែមចូល ដែលល្អសម្រាប់ការថតរូបក្រោមលក្ខខណ្ឌមានពន្លឺទាប។

ម្យ៉ាងទៀតកាលដែលអាច Zoom បានក៏កាន់តែងាយស្រួលក្នុងការថតពីចម្ងាយ ពេលអ្នកថតរូបលក្ខណៈ Portrait នរណាម្នាក់។ អ្នកថតរូបមួយចំនួនពេញចិត្តធ្វើការជាមួយនឹង Subject នៅជិត ខណៈមួយចំនួនទៀតចូលចិត្តថតរូបពីចម្ងាយបន្តិច។ ចងចាំថា ប្រសិនបើអ្នកថតរូបពេលដំណើរកម្សាន្ត ហើយចង់ថតដោយលាក់លៀម អ្នកអាចប្រើប្រាស់ Telephoto ដើម្បីចាប់យករូបភាព។ វាអាចមានការពិបាកក្នុងការថតលក្ខណៈបែបនេះជាមួយនឹង Focal length lens ខ្លី ព្រោះអ្នកត្រូវការទៅជិត។ ជារួម ប្រសិនបើអ្នកចង់ចាប់យករូបភាពលក្ខណៈ Portrait គ្រប់ពេល អាចសាកល្បង Telephoto lens បាន៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Huffingtonpost ប្រែសម្រួល ៖ ប៊ុន ធឿន