WiFi ធ្លាប់ឮ ចុះ MiFi កុំច្រឡំឲ្យសោះ

2017-09-14 01:47:04
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកវិទ្យាប្រព័ន្ធអ៊ីនធឺណិតមានដូចជា 3G, 4G, LTE, GSM និង CDMA។ ប៉ុន្តែពាក្យ ២ ផ្សេងទៀតរវាង MiFi និង WiFi មានអ្នកប្រើប្រាស់ជាច្រើននៅយល់ច្រឡំ និងខ្លះទៀតនៅមិនទាន់ស្គាល់ថាជាអ្វី? តើទាំងពីរនេះខុសគ្នាយ៉ាងណា?

+អ្វីទៅជា WiFi

ភាសាសាមញ្ញ WiFi ជាប្រព័ន្ធអ៊ីនធឺណិត Wireless ដែលឧបករណ៍ណាមួយអាចតភ្ជាប់គ្នាបាន។ សំខាន់លើឧបករណ៍នោះមានបំពាក់ឈីប WiFi បែបនេះអាចប្រើប្រាស់ប្រព័ន្ធ WiFi បានហើយ។ ជាប្រព័ន្ធអ៊ីនធឺណិតម្យ៉ាង ដែលគេរមែងដំណើរការតាមហាងកាហ្វេ ឬហាងលក់ទំនិញធំ ក្នុងគោលបំណងចែករំលែកអ៊ីនធឺណិត Free ទៅកាន់អតិថិជន។

+អ្វីទៅជា MiFi

មិនមែនជាប្រព័ន្ធអ៊ីនធឺណិត ប៉ុន្តែជាឧបករណ៍ផ្ដល់និងចែកចាយប្រព័ន្ធអ៊ីនធឺណិត។ អាចនិយាយថាវាជាកូន Router ឬ Modem ដែលយើងអាចដោតស៊ីមចូលទៅខាងក្នុង ហើយធ្វើការចែករំលែកអ៊ីនធឺណិត WiFi ទៅកាន់ឧបករណ៍ដទៃ ដោយឆ្លងកាត់ការបើក 3G ឬ 4G នៃស៊ីមកាតយើង។ អាចតភ្ជាប់ឧបករណ៍ច្រើនក្នុងពេលតែមួយបាន។

+ភាពខុសគ្នារវាង MiFi និង WiFi

គ្រាន់តែចាំថា WiFi ជាប្រព័ន្ធអ៊ីនធឺណិត ហើយ MiFi ជាឧបករណ៍ចែករំលែកអ៊ីនធឺណិត នេះជាភាសាងាយយល់បំផុត។ MiFi មិនគាំទ្រការភ្ជាប់ទៅ WiFi ទេ តែគាំទ្រការភ្ជាប់ទៅកាន់ 3G/4G ដើម្បីចែករំលែក WiFi។

ប្រភព៖ truconnect ប្រែសម្រួល៖ កៅ រក្សា