ជោគវាសនាក្រុមចម្រៀង f(x) អាចនឹងត្រូវបញ្ចប់ក្នុងពេលឆាប់ៗនេះ!

2017-09-14 02:15:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ជោគវាសនារបស់ក្រុមចម្រៀង f(x) ហាក់ដូចជានៅស្រពិចស្រពិលនៅឡើយ ព្រោះក្នុងរយៈពេលប៉ុន្មានឆ្នាំចុងក្រោយនេះ ក្រុមនេះហាក់រយាលពីសិល្បៈ។

ដោយឡែក កាលពីពេលថ្មីនេះ Luna សមាជិកក្រុម f(x) បាននិយាយពីក្រុម ដោយបានបង្កប់ន័យថា ក្រុមប្រហែលអាចរំសាយ៖ "គិតទៅអស់រយៈពេល ៨ឆ្នាំហើយ ប៉ុន្តែពួកយើងហាក់នៅក្មេងនៅឡើយ។ ពួកយើងមិនចង់ទុកឲ្យក្រុម f(x) នៅតែបែបនេះទេ ហើយបើទោះបីជានេះគឺជាអាល់ប៊ុមចុងក្រោយក្ដី ក៏ពួកយើងនឹងធ្វើវាឲ្យបានល្អបំផុត មុនបញ្ចេញ”។

ក្នុងបទសម្ភាសន៍នោះដែរ តារាស្រីរូបនេះក៏មិនប្រាកដដែរថា នៅមានអាល់ប៊ុមប៉ុន្មានទៀតសម្រាប់ក្រុម។ អ្វីដែលគួរឲ្យបារម្ភ ក្នុងរយៈពេលប៉ុន្មានឆ្នាំចុងក្រោយនេះ មានក្រុមថ្មីៗ ជាច្រើនចេះ តែកើនឡើងជាបន្តបន្ទាប់ ជាហេតុនាំឲ្យ f(x) មានការព្រួយបារម្ភខ្លាំង ហើយក៏ប្រហែលជានៅសល់ពេលមិនយូរទៀតដែរ។

ពាក្យមួយឃ្លាទៀត ចេញពីមាត់របស់ Luna អាចធ្វើឲ្យអ្នកគាំទ្រក្រុមនាងសោកសៅបន្តិច ដោយនាងបាននិយាយថា៖ "ពួកយើងធ្លាប់សើច យំ មានទាំងអត់ងងុយសឹងរាល់ថ្ងៃ ហើយត្រូវផឹកកាហ្វេទៀតដើម្បីឲ្យស្វាងងងុយ។ កាលនោះ ពួកយើងត្រូវធ្វើអ្វីគ្រប់យ៉ាង ទាំងចិត្តមិនចង់ ប៉ុន្តែឥឡូវនេះ អ្វីក៏យើងមិនអាចធ្វើបានដែរ បើទោះយើងចង់ក៏ដោយ”។

ចុងក្រោយ ស្រីស្អាតវ័យ ២៤ឆ្នាំរូបនេះ បានបញ្ជាក់ថា នាងនឹងត្រឡប់មកវិញសាជាថ្មី ជាមួយអាល់ប៊ុមទោលផ្ទាល់ខ្លួនមួយក្នុងពេលឆាប់ៗនេះ ប៉ុន្តែនាងខ្លួនឯងក៏មិនច្បាស់ថា ពេលណា f(x) វិលមកវិញទេ៕

ចុចអាន៖ព័ត៌មានជុំវិញក្រុមចម្រៀង f(x)

ប្រភព៖ Koreaboo ប្រែសម្រួល៖ យី សុធារី