Atletico នឹង​លេង​នៅ​កីឡដ្ឋាន​ថ្មី Metropolitano លើក​ដំបូង​នៅ​សប្ដាហ៍​នេះ​

  • 2017-09-14 06:58:44
  • ចំនួនមតិ

ចន្លោះមិនឃើញ

Atletico Madrid នឹង​បើក​ទ្វារ​កីឡដ្ឋាន​ថ្មី​សន្លាងរបស់​ខ្លួន​ឈ្មោះ Wanda Metropolitano នៅ​ថ្ងៃ​អាទិត្យ​នេះ​ដើម្បី​ស្វាគមន៍​ Malaga នៅ​ការ​ប្រកួត​លីគ​កំពូល​អេស្ប៉ាញ​សប្ដាហ៍​ទី​៤។

ក្រុម​មាន​មូលដ្ឋាន​នៅ​ទីក្រុង​ម៉ាឌ្រីដ​បាន​លេង​៣​ប្រកួត​ដំបូង​នៅ​ក្រៅ​ទឹកដី​ដើម្បី​ទុក​ពេល​កែ​លម្អ​កីឡដ្ឋាន Metropolitano ឲ្យ​ហើយ​រួចរាល់​ជា​ស្ថាពរ​បន្ទាប់​ពី​ពួក​គេ​បាន​បោះបង់​​កីឡដ្ឋាន​ចាស់ Vicente Calderon។ Atletico រក​បាន​៥​ពិន្ទុ​ប៉ុណ្ណោះ​ពី​ក្រៅ​ទឹកដី​នៅ​រដូវ​កាល​នេះ​ដោយ​ស្មើ​ Girona ២-២, ឈ្នះ​ Las Palmas ៥-១ និង​ស្មើ Valencia ០-០។

Malaga នឹង​ក្លាយ​ជា​ក្រុម​ដំបូង​ដែល​ត្រូវ​លេង​ទល់​នឹង​ Atletico នៅ​កីឡដ្ឋាន​ដែល​មាន​ចំណុះ​ ៦៨,០០០​នាក់​ ហើយ​ Chelsea គឺ​ជា​ក្រុម​បរទេស​ទីមួយ​ដែល​លេង​នៅ​ទឹកដី​ថ្មី​នេះ​បន្ទាប់​ពី​ក្រុម​ទាំង​ពីរ​ត្រូវ​ប៉ះ​គ្នា​នៅ Champions League ថ្ងៃ​ទី​២៨​ ខែ​កញ្ញា​ខាង​មុខ៕

ចុចអាន៖


ប្រភព៖ Marca ប្រែសម្រួល៖ វីរ៉ុត