ការពិត បុរសម្នាក់ផ្ទុះ iPhone 5s ខ្ទេចដៃ មិនមែនគ្រោះថ្នាក់តែម្នាក់ឯងនោះទេ

2017-09-17 05:34:52
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញ មានព័ត៌មានរសើបមួយដែលមានអ្នកចែកចាយជាច្រើនម៉ឺនដងលើ Facebook និយាយពី បុរសម្នាក់រងគ្រោះថ្នាក់ធ្ងន់ ដោយសារតែស្មាតហ្វូនរបស់ខ្លួន។

យោងតាមប្រភពមួយពីប្រទេសវៀតណាម បានចុះផ្សាយដោយគេហទំព័រឈ្មោះថា Game8.vn បានដាក់ចំណងជើងធំៗថា "គួរឲ្យខ្លាច! គ្រាន់តែសាកថ្ម ហើយគោះៗសោះ បុរសម្នាក់ស្ទើរតែខ្ទេចដៃ ដោយសារស្មាតហ្វូនរបស់គេ”។

ហេតុការណ៍នោះ បានកើតឡើងនៅប្រទេសវៀតណាម ដោយបុរសវ័យខ្ទង់ ២៥ ឆ្នាំម្នាក់(ប្រភពមិនបញ្ជាក់ឈ្មោះ) យកទូរសព្ទរបស់ខ្លួនទៅសាកថ្មបណ្ដើរ លេងហ្គេមបណ្ដើរ ទើបធ្វើឲ្យថ្មកាន់តែក្ដៅឡើងៗរហូតដល់ផ្ទុះតែម្ដង។

ចំណែកអ្នករងគ្រោះម្នាក់ទៀត ជាមិត្តស្រីរបស់គេ ដែលអង្គុយក្បែរនោះ ត្រូវបានកំទេចទូរសព្ទខ្ទាតចំបំពង់ក ស្ទើរតែបាត់បង់ជីវិត រីឯបុរសនោះ រងរបួសធ្ងន់ ស្ទើរតែដាច់ម្រាមដៃទាំងសងខាង។

ព័ត៌មានដ៏ក្តៅគគុកនេះ ត្រូវបានអ្នកលេងអ៊ីនធើណិតយកមកចែកចាយបន្ត ជាច្រើនដង រហូតអ្នកខ្លះ បានបញ្ចេញមតិផ្សេងៗគ្នាថា មិនគួរយកទូរសព្ទមកលេងហ្គេម ពេលសាកថ្មនោះទេ ឯអ្នកខ្លះទៀតថា មកពីថ្មខូច ទើបធ្វើឲ្យផ្ទុះ។

ទោះជានេះមិនមែនជាព័ត៌មានថ្មី ប៉ុន្តែនៅក្នុងប្រទេសកម្ពុជា មិនទាន់ជួបករណីដូច្នេះទេ ប្រិយមិត្តត្រូវមានបំរុងប្រយ័ត្នខ្ពស់ ដើម្បីកុំឲ្យកើតមានករណីនេះ។ កន្លងក្រុមការងារក៏ធ្លាប់បាន ចុះផ្សាយពីចំណេះដឹងទូទៅ ទាក់ទងនឹងរបៀបការពារខ្លួន កុំឲ្យផ្ទុះថ្មទូរសព្ទនេះផងដែរ៕