Kim Jong-Un បញ្ជាឲ្យបាញ់មីស៊ីលប៉ុន្មានលើកហើយ តាំងពីឡើងកាន់អំណាចមក?
- 2017-09-18 12:17:16
- ចំនួនមតិ 0 | ចំនួនចែករំលែក 0
Kim Jong-Un បញ្ជាឲ្យបាញ់មីស៊ីលប៉ុន្មានលើកហើយ តាំងពីឡើងកាន់អំណាចមក?
ចន្លោះមិនឃើញ
មេដឹកនាំប្រទេសកូរ៉េខាងជើង លោក Kim Jong-Un កាលពីពេលថ្មីៗនេះត្រូវបានប្រធានាធិបតីសហរដ្ឋអាមេរិក លោកដូណាល់ ត្រាំ ដាក់រហស្សនាមថាជា បុរសរ៉ុកកែត ដោយសារតែការចូលចិត្តបាញ់សាកល្បងកាំជ្រួចរបស់ប្រធានាធិបតីប្រទេសកុម្មុយនិស្តឯកោមួយនេះ។ ក្នុងន័យនេះផងដែរ អត្ថបទមួយនេះនឹងលើកយកពីសកម្មភាពនៃការបាញ់សាកល្បងគ្រាប់មីស៊ីល របស់កូរ៉េខាងជើង តាំងពីប្រធានាធិបតី Kim Jong-Un ឡើងកាន់អំណាចក្នុងឆ្នាំ ២០១១ មក ដែលមានដូចតទៅ៖
ឆ្នាំ ២០១១៖ មិនមានការបាញ់សាកល្បងកាំជ្រួចទេក្នុងឆ្នាំដំបូងនៃការឡើងកាន់អំណាចរបស់មេដឹកនាំកូរ៉េខាងជើងរូបនេះ។
ឆ្នាំ ២០១២៖ ជាឆ្នាំដែលមេដឹកនាំរូបនេះ ចាប់ផ្ដើមបញ្ជាឲ្យមានសកម្មភាពបាញ់សាកល្បងកាំជ្រួច ហើយក្នុងឆ្នាំ ២០១២ កូរ៉េខាងជើងបានបាញ់សាកល្បង រ៉ុកកែត ឬកាំជ្រួច ចំនួន ២លើក។
ឆ្នាំ ២០១៣៖ ចំនួននៃការបាញ់សាកល្បង បានឡើងគុណនឹងបី រហូតដល់ ៦ដង។
ឆ្នាំ ២០១៤៖ កូរ៉េខាងជើងបានបាញ់សាកល្បងរ៉ុកកែតរហូតដល់ទៅ ១៩លើក ដែលបង្កជាភាពតានតឹងយ៉ាងខ្លាំងទាំងក្នុងសន្តិសុខតំបន់ និងពិភពលោក។
ឆ្នាំ ២០១៥៖ ទិន្នន័យនៃការធ្វើតេស្តសាកល្បងបាញ់កាំជ្រួច បានថយមកត្រឹម ១៥លើកវិញ។
ឆ្នាំ ២០១៦៖ Kim Jong-Un បានបញ្ជាឲ្យមានការបាញ់សាកល្បងរ៉ុកកែតរហូតដល់ទៅ ២៤ដង។
ឆ្នាំ ២០១៧៖ គិតត្រឹមខែកញ្ញានេះ កូរ៉េខាងជើងបានបាញ់សាកល្បងកាំជ្រួចរបស់ខ្លួនចំនួន ១៩លើកហើយ ដោយក្នុងនោះមានទាំងការសាកល្បងគ្រាប់បែកនុយក្លេអ៊ែរប្រភេទ H-Bomb ទៀតផង។
មកទល់ពេលនេះ តាំងពីឆ្នាំ ២០១១មក ពោលតាំងពីពេលKim Jong-Un ឡើងកាន់អំណាច កូរ៉េខាងជើងបានបាញ់សាកល្បងកាំជ្រួចសរុបចំនួន ៨៥លើកហើយ។ បើទោះជាមានការដាក់ទណ្ឌកម្មសេដ្ឋកិច្ចថ្មីៗ ពីសហគមន៍អន្តរជាតិយ៉ាងណាក៏ដោយ ប្រទេសកុំមុយនិសមួយនេះនៅតែបង្ហាញជំហរចង់រក្សាកម្មវិធី កាំជ្រួច និងនុយក្លេអ៊ែរ របស់ខ្លួន ដែលនេះអាចជាសញ្ញាមួយបង្ហាញថាការបាញ់សាកល្បងអាចនឹងបន្តកើតឡើងជាបន្តបន្ទាប់នាពេលខាងមុខ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
