ឌីជេ សាន់ ចេញ Original Song លើកទី១ បន្ទាប់ហែលឆ្លងអាជីពជាពិធីករជិត១០ឆ្នាំ
- 2017-09-24 05:00:17
- ចំនួនមតិ 0 | ចំនួនចែករំលែក 0
ឌីជេ សាន់ ចេញ Original Song លើកទី១ បន្ទាប់ហែលឆ្លងអាជីពជាពិធីករជិត១០ឆ្នាំ
ចន្លោះមិនឃើញ
ហែលឆ្លងជីវិតជាពិធីករតាមប៉ុស្តិ៍វិទ្យុជាង៧ឆ្នាំ ឌីជេ សាន់ បានសម្រេចចិត្តចេញចម្រៀងលើកទី១ក្នុងជីវិត។
មានដើមកំណើតមកពីខេត្តបាត់ដំបង ពិធីករកម្មវិធីកម្សាន្តតាមប៉ុស្តិ៍វិទ្យុដែលមានការទទួលស្គាល់យ៉ាងច្រើនពីសំណាក់យុវវ័យ បានបញ្ចេញចម្រៀងដំបូងរបស់ខ្លួន មានចំណងជើងថា "ព្រមឈប់ស្នេហ៍ តែចិត្តមិនព្រមឈប់នឹក" ។ បទនេះរៀបរាប់ពីរឿងរ៉ាវស្នេហាដែលបានបែកគ្នាហើយ តែចិត្តនៅតែនឹកអាឡោះអាល័យ បារម្ភ និងចង់ដឹងពីសុខទុក្ខដៃគូម្ខាងទៀតគ្រប់ពេលវេលា។
លោកបានលើកឡើងថា គោលបំណងដែលផលិតបទថ្មីផ្ទាល់ខ្លួននេះ ព្រោះវាជាការស្រលាញ់ចូលចិត្ត តាំងពីក្មេង និងចង់បង្ហាញចំណីអារម្មណ៍ប្លែកដល់ប្រិយមិត្តដែលធ្លាប់តែនិយមគាំទ្រវោហារសព្ទរបស់លោក មកស្ដាប់លោកច្រៀងវិញម្ដង។
"ព្រមឈប់ស្នេហ៍ តែចិត្តមិនព្រមឈប់នឹក" និពន្ធទំនុកភ្លេង និងទំនុកច្រៀង ដោយ វង់ សុខសីលា និង Studio G-Record ហើយនឹងគ្រោងចេញ MV នាពេលខាងមុខ៕