ញ៉ាំគុយទាវមិត្តភ័ក្ដិរាល់ថ្ងៃធ្វើឲ្យ ឌុច លីដា បែកគំនិត
- 2017-09-25 02:40:08
- ចំនួនមតិ 0 | ចំនួនចែករំលែក 0
ញ៉ាំគុយទាវមិត្តភ័ក្ដិរាល់ថ្ងៃធ្វើឲ្យ ឌុច លីដា បែកគំនិត
ចន្លោះមិនឃើញ
ចេញចូលហាងមិត្តភ័ក្ដិទៅញ៉ាំគុយទាវស្ទើររៀងរាល់ថ្ងៃធ្វើឲ្យស្រីស្អាត ឌុច លីដា បែកគំនិតគិតចង់បើកអាជីវកម្មថ្មីមួយដែរក្នុងពេលឆាប់ៗនេះ។
ឌុច លីដា បានប្រាប់Sabay ថាពីដំបូងឡើយនាងមានគំនិតចង់បើកអាជីវកម្ម តែមិនមានគម្រោងបើកហាងគុយទាវទេ តែពេលចូលទៅញ៉ាំគុយទាវនៅហាងមិត្តភ័ក្ដិ បានធ្វើឲ្យនាងបែកគំនិតចង់បើកហាងលក់គុយទាវរកស៊ីដូចមិត្តភ័ក្ដិ ក្នុងពេលឆាប់ៗនេះដែរ តែមិនទាន់កំណត់ថ្ងៃបើកច្បាស់លាស់នៅឡើយទេ ព្រោះពេលនេះកំពុងរវល់ថតរឿង "ពស់កេងកង"។
នាងបន្តថា ចំពោះការបើកហាងគុយទាវថ្មីមួយនេះគឺជាគំនិតផ្ដួចផ្ដើមរបស់នាងទាំងស្រុងមិនមានការសហការ ឬជួយជ្រោមជ្រែងពីអ្នកណាឡើយ។ ចំណែកឯដើមទុនគ្រោងចំណាយវិញគឺ ចន្លោះពី៧០០០ ដុល្លារអាមេរិកទៅ ៨០០០ ដុល្លារអាមេរិក។
“រៀនរកស៊ីលើកដំបូងអ៊ីចឹងទៅសម្រាប់ខ្ញុំមិនហ៊ានចំណាយដើមទុនច្រើនទេ ចំណាយត្រឹមល្មមៗសិនបានហើយ ព្រោះចង់ស្ទាបស្ទង់ទីផ្សារមើលសិន។ ចំពោះទីតាំងបើកហាងគុយទាវហ្នឹងគឺខ្ញុំបើកនៅភ្នំពេញតែម្ដងបង"។ នេះបើតាម ឌុច លីដា រៀបរាប់។
តួឯកស្រីក្នុងរឿង "ណូលីណូឡា" បញ្ជាក់ថា ទាក់ទងការបើកហាងគុយទាវខាងលើ ទុកឲ្យបងប្អូនជាអ្នកមើលខុសត្រូវជំនួស ពេលទំនេរពីការងារសិល្បៈទើបនាងទៅមើលហាងគុយទាវម្ដងអាស្រ័យទៅតាមពេលវេលា៕
ចុចអាន៖បង្ហាញម៉ូដសក់ខ្លីស្អាតប្លែកភ្នែកពីតារាចម្រៀង និងសម្ដែងស្រី៦រូប
ចុចអាន៖រឿង៦យ៉ាងដែល YG ហាមមិនឲ្យក្រុម Black Pink ធ្វើដាច់ខាត