Hacker វាយលុកសម្រេចលើស្នងការគណនេយ្យដ៏ធំមួយ

2017-09-26 07:10:07
ចំនួនមតិ 0 | ចំនួនចែករំលែក 0

ចន្លោះមិនឃើញ

Deloitte ដែលជាស្នងការគណនេយ្យដ៏ធំមួយលំដាប់ពិភពលោក ឬគេស្គាល់ថា Big Four បានប្រកាសថាម៉ាស៊ីនមេ (Server) របស់ពួកគេត្រូវក្រុម Hacker វាយលុកបានសម្រេច ហើយប្រមូលបានឯកសារមួយចំនួនទាក់ទងនឹងការសម្ងាត់របស់អតិថិជន។

ស្នងការគណនេយ្យនេះបញ្ជាក់ថា Hacker អាចវាយលុយចូលក្នុងប្រព័ន្ធរបស់ពួកគេតាមរយៈសារអេឡិចត្រូនិក (Email) ហើយអ្នកនាំពាក្យរបស់ Deloitte អះអាងឯកសារដែល Hacker យកបាននោះ គឺជាចំនួនតិចតួចបំផុត ខណៈពួកគេបានទាក់ទងជាមួយអាជ្ញាធរដើម្បីស្វែងរកក្រុម Hacker ទាំងនោះ។

មានមូលដ្ឋានធំក្នុងសហរដ្ឋអាមេរិក ចុះបញ្ជីអាជីវកម្មក្នុងចក្រភពអង់គ្លេស និងមានសាខាជាច្រើនតាមបណ្ដាប្រទេសនានាជុំវិញពិភពលោក អតិថិជនរបស់ Deloitte មានដូចជា Morgan Stanley, Berkshire Hathaway, Starbuck's, Boeing, Microsoft ហើយនៅមានធនាគារលំដាប់អន្តរជាតិ រួមនឹងស្ថាប័នរដ្ឋ និងឯកជនច្រើនផ្សេងទៀត៕

គូសបញ្ជាក់ផងដែរថា Deloitte មានផ្ដល់សេវាដូចជា ការបង់ពន្ធ, សវនកម្ម, ប្រឹក្សា និងពិគ្រោះយោបល់ផ្នែកសុវត្ថិភាពតាមប្រព័ន្ធអ៊ីនធឺណិត៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ CNBC ប្រែសម្រួល៖ រដ្ឋ