រថយន្តម៉ូដែល Mazda 6 មានបញ្ហា ក្រុមហ៊ុនសម្រេចប្រមូលចូលរោងចក្រវិញ

2017-09-26 06:50:04
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់ពេលស្រាវជ្រាវប្រមាណ ២១ ខែ ក្រុមហ៊ុន Mazda ប្រចាំសហរដ្ឋអាមេរិក បានសម្រេចប្រមូលចូលរោងចក្រវិញនូវម៉ូដែល Mazda 6 ឆ្នាំ ២០១៥ និង ២០១៦ ប្រមាណ ៥៨ ០០០ គ្រឿង ក្រោយរកឃើញថាប្រព័ន្ធអគ្គិសនីលើចង្កូតពួកវាដំណើរការខុសប្រក្រតី។

រូបតំណាង

យោងតាមរបាយការណ៍ដែល Mazda ផ្ដល់ទៅខាងរដ្ឋបាលសុវត្ថិភាពចរាចរណ៍ផ្លូវជាតិរបស់សហរដ្ឋអាមេរិកបង្ហាញថា សៀគ្វីដ៏ខ្លីមួយនៃប្រព័ន្ធអគ្គិសនីនៃរថយន្តរបស់ពួកគេដំណើរការខុសប្រក្រតី ដែលធ្វើឲ្យពោងសុវត្ថិភាពមិនដំណើរការ ហើយចង្កូតទាំងមូលក៏ប្រតិបត្តិការមិនត្រឹមត្រូវដែរ។

ចំពោះបញ្ហាខាងលើ Mazda បានដឹងតាំងពីពេលចេញលក់ដំបូង ពោលគឺថ្ងៃ ១ ធ្នូ ២០១៥ ប៉ុន្តែក្រុមហ៊ុនគ្រាន់ធ្វើការតាមដាននិងត្រួតពិនិត្យនូវស្ថានភាពរថយន្តជាប្រចាំសម្រាប់អតិថិជន ខណៈពួកគេធ្លាប់អះអាងថាបញ្ហានេះ គឺតិចតួច ហើយរថយន្តអាចដំណើរការមិនសូវខុសច្រើនពីម៉ូដែលដែលគ្មានបញ្ហា៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Forbes ប្រែសម្រួល៖ រដ្ឋ