មក​ដឹង​ពី​ចំនួន​ដ៏​ច្រើន​សន្ធឹក​សន្ធាប់ នៃ​ប្រជាជន​ជប៉ុន​អាយុ​ចាប់​ពី ១០០​ឆ្នាំ​ឡើង

  • 2017-09-26 12:12:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេស​ជប៉ុន ជា​ប្រទេស​មួយ​ដែល​ត្រូវ​បាន​ទទួល​ស្គាល់​ថា​ជា​ប្រទេស​ដែល​សំបូរ​ទៅ​ដោយ​ប្រជាជន​វ័យ​ចំណាស់។ បើ​តាម​របាយការណ៍​ចុង​ក្រោយ​របស់​រដ្ឋាភិបាល ក្នុង​ឆ្នាំ​ ២០១៧ គិត​ត្រឹម​ខែ​កញ្ញា នេះ ចំនួន​ប្រជា​ជន​ជប៉ុន​ដែល​មាន​អាយុ​ចាប់​ពី​១០០​ឆ្នាំ ឡើង​ទៅ មាន​ចំនួន​រហូត​ដល់​ទៅ​ជិត​ ៧​ម៊ឺន​នាក់។

បើ​តាម​ការ​ប៉ាន់​ប្រមាណ​របស់​រដ្ឋាភិបាល​ជប៉ុន ប្រទេស​មួយ​នេះ​មាន​ចំនួន​មនុស្ស​ចាស់​ដែល​មាន​អាយុ​ចាប់​ពី ១០០​ឆ្នាំ​ឡើង​ទៅ រហូត​ដល់​ទៅ​ ៦៧ ៨២៤​នាក់ កើន​ឡើង​ ២១៣២ នាក់ បើ​ធៀប​នឹង​ឆ្នាំ ២០១៦។ ក្នុង​ទិន្នន័យ​នេះ​ផង​ដែរ ស្ត្រី​ជប៉ុន​ដែល​មាន​អាយុ​ចាប់​ពី​មួយ​សតវត្ស​ឡើង​ទៅ មាន​ចំនួន​រហូត​ដល់​ទៅ​ជិត​ ៦ ម៊ឺន​នាក់ ស្មើ​នឹង ៨៧.៩​ភាគ​រយ ខណៈ​ចំនួន​បុរស​ជប៉ុន​ដែល​ស្ថិត​ក្នុង​ក្រុម​អាយុ​នេះ​មាន​ត្រឹម​តែ​ជិត ៨​ពាន់​នាក់​ប៉ុណ្ណោះ។

ស្ត្រី​ជនជាតិ​ជប៉ុន​ដែល​មាន​វ័យ​ចំណាស់​ជាង​គេ មាន​អាយុ ១១៧​ឆ្នាំ ខណៈ​បុរស​ជប៉ុន​ដែល​មាន​អាយុ​ចាស់​ជាង​គេ​មាន​វ័យ ១១២​ឆ្នាំ។

គួរ​បញ្ជាក់​ផង​ដែរ​ថា នៅ​ជប៉ុន ប្រជាជន​ស្ថិត​ក្នុង​ក្រុម​អាយុ​នេះ មាន​ត្រឹម​តែ ១៥៣​ប៉ុណ្ណោះ ក្នុង​ឆ្នាំ ១៩៦៣ ខណៈ​ចំនួន​នេះ​បាន​កើន​ឡើង​រហូត​ដល់ ១ ម៊ឺន​នាក់ ក្នុង​ឆ្នាំ ១៩៩៨។ ទិន្នន័យ​នេះ​បាន​បន្ត​កើន​ឡើង​យ៉ាង​គំហុក​រហូត​ដល់ ៥ម៊ឺន​នាក់​ ក្នុង​ឆ្នាំ ២០១២ ហើយ​ឈាន​ដល់​ទៅ ៦​ម៊ឺន​នាក់​ក្នុង​ឆ្នាំ ២០១៥ ហើយ​បន្ត​កើន​រហូត​ដល់​ជិត ៧ម៊ឺន​នាក់​ក្នុង​ឆ្នាំ ២០១៧​នេះ។

ចុច​អាន​៖

ប្រភព៖ weforum   ប្រែ​សម្រួល៖ ហ៊ីម រស្មី