ស្រលាញ់គោខ្លាំងពេក ផឹកទឹកនោម និងហូបលាមកគោរាល់ថ្ងៃ

2017-09-27 06:38:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិឥណ្ឌាម្នាក់បែកគំនិតស្រលាញ់គោចិញ្ចឹមរបស់ខ្លួនខ្លាំងពេក រហូតផឹកទឹកនោមគោរាល់ថ្ងៃ និងហូបលាមកគោរាល់ព្រឹក ព្រោះជឿលើហេតុផលទាំងនេះ។

បុរសខាងលើមានឈ្មោះ Parsana អាយុ ៤៤ឆ្នាំ ជឿថា ទឹកនោមសត្វគោពោរពេញទៅដោយសារធាតុបំប៉ន វាជួយកម្ចាត់ជាតិខ្លាញ់ និងជាតិពុលចេញពីរាងកាយ។ លោកផឹកទឹកនោមគោមួយពែង និងហូបលាមកគោនៅពេលព្រឹក មុនពេលទៅមើលកន្លែងហាត់ប្រាណមួយក្នុងចំណោមទាំង ២២កន្លែងរបស់លោកកាន់កាប់នៅទីក្រុង Ahmedabad រដ្ឋ Gujarat។

លោកបានសរសើរគោរបស់ខ្លួនថា បានជួយជីវិតរបស់គាត់ប្រសើរឡើង បន្ទាប់ពីធ្លាក់ខ្លួនវក់នឹងល្បែងស៊ីសង។ ចំណែក ភរិយារបស់លោក អ្នកស្រី Geeta Parsana អាយុ ៤៤ឆ្នាំ និងសមាជិកគ្រួសារផ្សេងទៀត រួមនឹងសាច់ញាតិមិត្តភ័ក្ដិដំបូងគិតថា លោកជាមនុស្សឆ្កួត ប៉ុន្តែនៅពេលពួកគេកត់សម្គាល់លោកមានការផ្លាស់ប្ដូរ ពួកគេក៏ព្រមទទួលស្គាល់អ្វីលោកបានធ្វើ។

លោករម្លឹកថា ឆ្លងកាត់ជីវិតពីកុមារភាព លោកចាប់អារម្មណ៍ការហាត់យូហ្កា និងសុខភាពខ្លាំងណាស់ រហូតលោកស្រាវជ្រាវរុក្ខជាតិផ្សេងៗដែលផ្ដល់អត្ថប្រយោជន៍ដល់រាងកាយ។ នៅពេលដឹងថាទឹកដោះ ទឹកនោម និងលាមកគោមានអត្ថប្រយោជន៍ច្រើន លោកប្ដេជ្ញាបរិភោគទាំងអស់ឲ្យបាន។ រហូតដល់បច្ចុប្បន្ន លោកនៅបន្តទម្លាប់ចម្លែកដូចនេះដដែល៕