មួយឃ្លា Robben ប្រាប់ទៅ PSG៖ លុយមិនអាចរកគ្រាប់បាល់បានទេ

2017-09-27 07:11:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Arjen Robben របស់ Bayern Munich បាននិយាយឌឺដងទៅកាន់ក្រុមអ្នកមាន Paris Saint-Germain ថា លុយរបស់ពួកគេមិនអាចជួយរកគ្រាប់បាល់បានទេ មុនជំនួបក្រុមទាំងពីរនៅយប់នេះ។

នៅរដូវក្ដៅនេះ PSG ដែលជាក្រុមមួយគេរំពឹងអាចប្រជែងពាន Champions League បានចំណាយលុយដល់ទៅ១៩៨លានផោនទិញផ្ដាច់កុងត្រា Neymar ពី Barcelona ព្រមទាំងខ្ចីជើង Kylian Mbappe ពី Monaco ក្នុងលក្ខខ័ណ្ឌទិញផ្ដាច់ឆ្នាំក្រោយ១៦៦លានផោន។ ការចំណាយខ្ទង់ទឹកប្រាក់ដ៏ច្រើនបែបនេះដោយសារ PSG ចង់ក្លាយជាខ្លាកំណាចមួយក្បាលក្នុងពិភពបាល់ទាត់។

ទោះយ៉ាងណា Robben ដែលជាអ្នករកគ្រាប់ជ័យជម្នះឲ្យ Bayern ក្នុងវគ្គផ្ដាច់ព្រ័ត្រឆ្នាំ២០១៣ មិនមានការព្រឺភ័យអ្វីឡើងសម្រាប់ទឹកលុយរបស់ PSG។ "Paris បានចំណាយលុយច្រើនជាងពួកយើង ប៉ុន្តែលុយមិនអាចរកគ្រាប់បាល់បានទេ។ គុណភាពលើទីលានទើបអាចមានគ្រាប់បាល់។ មានក្រុមល្អ ទើបមានគ្រាប់បាល់។ Bayern Munich និង Paris Saint-Germain កំពុងមាន៣ពិន្ទុដូចគ្នាក្នុងតារាង បន្ទាប់ពីប្រកួតទី១ឈ្នះដូចគ្នា។ ចាំមើលយប់នេះនរណាឈ្នះ?