ក្រុមហ៊ុន​ ​GoPro​ ​ទើប​បញ្ចេញ​ម៉ូដែល​ថ្មី​មួយ​ទៀត​ ​គឺ​ ​Hero 6 Black​ ​កាល​ពី​រាត្រី​ថ្ងៃ​ ​២៨​ ​កញ្ញា​ ​២០១៧​ ​នេះ​ ​ជា​មួយ​នឹង​បច្ចេកវិទ្យា​ពិសេស​ៗ​ ​ដែល​ធ្វើ​ឲ្យ​កាមេរ៉ា​ប្រភេទ​ ​Action​ ​ជំនាន់​ថ្មី​នេះ​កាន់​តែ​ឆក់​បាន​បេះដូង​អ្នក​និយម​ពី​ជុំវិញ​ពិភពលោក។

GoPro Hero 6 Black​ ​មាន​សមត្ថភាព​អាច​ថត​វីដេអូ​កម្រិត​ ​4K​ ​ជា​មួយ​ល្បឿន​ ​60fps​ ​និង​មាន​ ​Dynamic range​ ​ទូលាយ​ជាង​ ​GoPro Hero 5។ ភ្ជាប់​មក​ជា​មួយ​នូវ​ ​Processor​ ​ប្រភេទ​ ​GP1​ ​ដែល​ធ្វើ​ឲ្យ​ ​GoPro Hero 6​ ​អាច​ថត​វីដេអូ​ប្រភេទ​ ​Slow motion​ ​ក្នុង​កម្រិត​គុណភាព​ ​1080/ 240p​ ​ហើយ​កាន់​តែ​ទាក់ទាញ​ ​Hero 6​ ​មាន​សមត្ថភាព​រក្សា​លំនឹង​វីដេអូ​ ​និង​ថត​ក្នុង​ស្ថានភាព​ងងឹត​ខ្លាំង​ជាង​ម៉ូដែល​មុន​ទ្វេដង។

មិន​ខុស​ពី​ ​GoPro Hero 5​ ​កាមេរ៉ា​ថ្មី​ ​GoPro Hero 6​ ​នេះ​អាច​ប្រើប្រាស់​ក្រោម​ទឹក​ជម្រៅ​ ​១០​ ​ម៉ែត្រ​ដោយ​មិន​បាច់​បន្ថែម​ឧបករណ៍​ជំនួយ​អ្វី​នោះ​ទេ។ ចំណុច​ពិសេស​មួយ​ទៀត​របស់​ ​Hero 6​ ​គឺ​មាន​ប្រតិបត្តិការ​ ​និង​អនុញ្ញាត​ឲ្យ​អ្នក​ប្រើប្រាស់​ចម្លង​ទិន្នន័យ​រូបភាព​ ​និង​វីដេអូ​ចេញ​ពី​កាមេរ៉ា​បាន​លឿន​ជាង​មុន​ដល់​ទៅ​ ​៣​ ​ដង។ GoPro Hero 6 Black​ ​ផ្តើម​ចេញ​លក់​ចាប់​ពី​ថ្ងៃ​ប្រកាស​នេះ​តែ​ម្តង​ ​ជា​មួយ​តម្លៃ​ ​៥០០​ ​ដុល្លារ​ ​សម្រាប់​ទីផ្សារ​បរទេស៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• ៣ ចំណុច​ធ្វើ​​អ្នកគាំទ្រ​​ស្ទាក់ស្ទើរ​ចិត្ត​​ ពេលចង់ទិញ iPhone 8
• ក្ដៅៗ! HMD ​ប្រកាស​ Nokia 3310 មាន​ប្រព័ន្ធ​ 3G

ប្រភព៖ Dpreview   ប្រែ​សម្រួល៖ រដ្ឋ