បរិវេណវត្តមួយនៅតាកែវក្លាយជាជម្រកសត្វស្លាបរាប់រយក្បាល
- 2017-09-29 05:59:28
- ចំនួនមតិ 0 | ចំនួនចែករំលែក 0
បរិវេណវត្តមួយនៅតាកែវក្លាយជាជម្រកសត្វស្លាបរាប់រយក្បាល
ចន្លោះមិនឃើញ
វត្តមួយក្នុងស្រុកកោះអណ្តែត ខេត្តតាកែវ បានក្លាយជាជម្រកដ៏កក់ក្តៅមួយរបស់សត្វស្លាបរាប់រយក្បាល។ វត្តនេះមានឈ្មោះថាវត្តព្រឹក្សា ស្ថិតក្នុងឃុំព្រឹក្សា ស្រុកកោះអណ្តែត ខេត្តតាកែវ។ ពោពេញដោយដើមឈើធំៗលើផ្ទៃដីប្រហែលជាពីរហិកតា និងមានបឹងធំនៅក្បែរនោះផង ទីតាំងវត្តនេះបានក្លាយជម្រករបស់សត្វស្លាបនានាជាច្រើន។
សត្វស្លាបដែលមានដូចជាក្រសា កុកស លលក និងចាប បានរស់នៅលើដើមឈើក្នុងវត្តនេះ ហើយវត្តមានសត្វស្លាបប្រភេទនេះមាននៅតជាហូរហែរតាំងពីសម័យសង្គមរាស្រ្តនិយមមកម្លេះ។ ដោយមើលឃើញពីចំនួនដ៏ច្រើននៃសត្វស្លាបបានមករស់នៅបែបនេះ អាជ្ញាធរមូលដ្ឋាន និងព្រះសង្ឃគង់នៅវត្តនេះ បានសហការគ្នាអភិរក្សតំបន់នោះដោយការពារមិនឲ្យមានការបរបាញ់សត្វទាំងនោះឡើយ ជាប្រយោជន៍ក្នុងនៃរួបចំណែកអភិរក្សសត្វស្លាប។
លោក អ៊ុន ថាន់ ជាសមាជិកសហគមន៍អភិរក្សម្នាក់ថ្លែងប្រាប់ Sabay ថាបើតាមការប៉ាន់ស្មានមានសត្វស្លាបដែលរស់នៅលើដើមឈើក្នុងវត្តប្រហែលជា៦០០ក្បាល។ លោកបន្តថាកន្លងមក សហគមន៍បានចុះណែនាំពន្យល់ដល់ប្រជាពលរដ្ឋជុំវិញវត្តទាំងមូលព្រមទាំងក្រុមអ្នករកស៊ីបរបាញ់សត្វឲ្យឈប់ធ្វើសកម្មភាពដែលបង្ករឲ្យប៉ះពាល់ដល់សត្វស្លាបទាំងនេះ។
ទោះយ៉ាងណាលោកថានៅមានបុគ្គលខ្លះមិនយល់ពីអត្ថប្រយោជន៍នៃការអភិរក្សនេះក៏បានលបលួចបាញ់សត្វស្លាបទាំងនេះដដែល តែថាក្រុមអភិរក្សបានតាមដាន និងទប់ស្កាត់ជានិច្ច។
លោកបន្តថាមានអ្នកខ្លះបានបំពានមកបរបាញ់សត្វនៅពេលយប់ក្រោយមកខាងសហគមន៍បានចុះទប់ស្កាត់និងដាក់ពិន័យជាហូរហែរ។ លោកបន្តថាៈ «សមាជិកសហគមន៍រួមទាំងព្រះសង្ឃព្រះចៅអធិការវត្តបានដាក់វេនគ្នាយាមជាប្រចាំដើម្បីការពារធនធានដ៍កម្រនេះ...សហគមន៍យើងគ្មានអ្វីក្រៅពីចង់ឲ្យក្មេងៗជំនាន់ក្រោយបានស្គាល់បក្សីដ៏កម្រដែលស្ទើរតែផុតពូជទៅហើយនេះទេ»។