នារីម្នាក់នាំឪពុកក្មេកទៅប៉ុស្តិ៍ប៉ូលិស ព្រោះផ្ទះគ្មានបង្គន់ប្រើប្រាស់នៅផ្ទះ

2017-10-02 06:44:38
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីម្នាក់នៅ រដ្ឋប៊ីហា ប្រទេសឥណ្ឌា បានបង្ខំឪពុកក្មេកឲ្យទៅប៉ុស្តិ៍ប៉ូលិសជាមួយ ព្រោះតែផ្ទះដែលនាងនៅគ្មានបង្គន់សម្រាប់ប្រើប្រាស់សមរម្យ។ លើសពីនេះ នាងថែមទាំងបង្ខំឪពុកក្មេក ឲ្យចុះហត្ថលេខាលើលិខិតព្រមព្រៀងសាងសង់បង្គន់មួយក្នុងពេលឆាប់ៗទៀតផង។

ហេតុការណ៍ដ៏កម្រនេះ បានកើតឡើងនៅភូមិ Cheggan Neura នៃស្រុក Muzaffarpur រដ្ឋប៊ីហា។ ដោយសារគ្មានបង្គន់ប្រើប្រាស់ នារីដែលទើបរៀបការរួចនេះ បានធ្វើដំណើរមកផ្ទះឪពុកក្មេកតាមប្រពៃណី តែពេលដែលប្ដីរបស់នាង ត្រលប់មកពីកន្លែងធ្វើការប៉ុណ្ណោះ។ បន្ទាប់ពីប្ដីត្រលប់ទៅកន្លែងធ្វើការវិញ នាងក៏ត្រលប់ទៅកាន់ផ្ទះរបស់ខ្លួនឯងវិញដែរ ព្រោះពិបាក គ្មានបង្គន់ប្រើប្រាស់សមរម្យ។

បញ្ហានេះ មិនអាចដោះស្រាយក្នុងគ្រួសារបានឡើយ ហើយឪពុកនាងក៏មិនព្រមធ្វើបង្គន់តាមការស្នើសុំ នាងក៏សម្រេចចិត្ត សរសេរពាក្យបណ្ដឹងមួយដាក់ទៅប៉ូលិសក្នុងតំបន់។ ក្នុងពាក្យបណ្ដឹងនោះ នាងបានប្ដឹង ឪពុកក្មេក ព្រមទាំងបងថ្លៃ ពីបទមិនសង់បង្គន់ ដែលអាចនាំឲ្យអាប់ឱនកិត្តិយស។

ចំណែកមន្ត្រីប៉ូលិសនៅស្រុក Muzaffarpur បានប្រាប់សារព័ត៌មានថា៖ "យើងបានស្នើឲ្យពួកគេ "ឪពុកក្មេង និងបងថ្លៃ" ឲ្យសង់បង្គន់រួចរាល់ក្នុងពេលមួយសប្ដាហ៍ ប៉ុន្តែពួកគេបានស្នើសុំពេលខ្លះបន្ថែមទៀត ដើម្បីរកលុយ។ បន្ទាប់ពីមានការព្រមព្រៀងរួច កូនប្រសាស្រីក៏បានដកពាក្យបណ្ដឹងវិញ"៕