Toyota Century ឆ្នាំ ២០១៨ រាងបុរាណ តែបច្ចេកវិទ្យាទំនើបអស់ស្ទះ

2017-10-06 08:46:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Toyota ទើបបញ្ចេញម៉ូដែលរថយន្ត Century សម្រាប់ឆ្នាំ ២០១៨ ដែលមានបច្ចេកវិទ្យាទំនើបសម្រាប់អ្នកប្រើប្រាស់លំដាប់ខ្ពស់ ខណៈការរចនារូបរាងយកលំនាំតាមត្រកូលរថយន្តដែលចេញតាំងពីឆ្នាំ ១៩៦៧។

ប៉ាណាមុខ និងការរចនាលម្អដោយអាលុយមីញ៉ូមជុំវិញរថយន្ត ហើយអមជាមួយនឹងចង្កៀង LED និងអំពូល Running Day Light ពណ៌សភ្លឺចិញ្ចាច។ កាន់តែពិសេស Century ម៉ូដែល ២០១៨ មានបច្ចេកវិទ្យាកង់ពិសេសដែលធ្វើឲ្យការបើកបរកាន់តែមានផាសុកភាព ជួយកាត់បន្ថយមិនឲ្យរថយន្តញ័រខ្លាំង និងមិនឲ្យសំឡេងរំខានពីក្រៅចូលរថយន្ត។

ផ្នែកខាងក្នុងមានពូកកៅអី និងដៃទ្វាស្រោបដោយរោមចៀមលាយឡំយ៉ាងប្រណិត ហើយមានអេក្រង់ Touch Screen សម្រាប់អ្នកដំណើរខាងក្រោយអាចបញ្ជាមុខងារកម្រិតម៉ាស៊ីនត្រជាក់ ឬការកម្សាន្តជាមួយតន្ត្រី។

ជារថយន្តផលិតសម្រាប់ថ្នាក់ដឹកនាំតាមស្ថាប័នធំៗ និងភាគច្រើនប្រើប្រាស់សម្រាប់ទីផ្សារប្រទេសជប៉ុន Toyota Century ឆ្នាំ ២០១៨ បំពាក់មកជាមួយនូវម៉ាស៊ីនប្រភេទ V ស៊ីឡាំង ៨ (V8) ចំណុះ ៥,០ លីត្រ ហើយមានតម្លៃចាប់ពី ១៣ ម៉ឺនដុល្លារ ៕