ជយលាភី "ស្ដាប់ចម្រៀងរបស់ខ្ញុំ" ត្រៀមច្រៀងក្នុងកម្មវិធី ITET 2014

2014-11-11 16:36:10
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងវ័យក្មេងចំនួន៩នាក់ ដែលជាជយលាភី និងជាបេក្ខភាពមកពីកម្មវិធី "ស្ដាប់ចម្រៀងរបស់ខ្ញុំ" ឆ្នាំ២០១៤ ត្រៀមច្រៀងក្នុង "ព្រឹត្តិការណ៍តាំងពិព័រណ៍បច្ចេកវិទ្យាព័ត៌មាន អេឡិចត្រូនិក និង ទូរគមនាគមន៍អន្តរជាតិឆ្នាំ២០១៤” ឬ ហៅថា ITET 2014។ ព្រឹត្តិការណ៍ដ៏ធំនេះមានក្រុមហ៊ុន ៣៩ ចូលរួមបង្ហាញសេវាកម្មរបស់ខ្លួនដល់អតិថិជនដែលចូលចិត្តវិស័យបច្ចេកវិទ្យា។ ITET 2014 គ្រោងធ្វើចាប់ធ្វើពីថ្ងៃទី ១៤ ដល់ ១៦ វិច្ឆិកា ២០១៤ នៅមជ្ឈមណ្ឌលសន្និបាតនិងពិព័រណ៍កោះពេជ្រ ។

លោក សុខ សិរីសុភា អ្នកសម្របសម្រួលតារាចម្រៀងដែលត្រូវច្រៀងក្នុងកម្មវិធីខាងលើទាំងបី៣ថ្ងៃនោះបានឲ្យដឹងថា តារាចម្រៀងវ័យក្មេងចំនួន៩នាក់មានលោក ឈូក សុខា លោក ខាំ ចេន និង កញ្ញា សាំង សុខសិរី ច្រៀងនៅថ្ងៃទី១៤ ខែ វិច្ឆិកា ឆ្នាំ ២០១៤។ កញ្ញា ចិត្ត កញ្ជនា កញ្ញា ហុង ឡាអ៊ីន និង ម៉ា ចន្ទ័បញ្ញា តារាចម្រៀងកិត្តិយសទើបតែទទួលបានពាន “Asia Top Fashionable Singer Of The Year” នៅប្រទេសចិនកាលពីពេលថ្មីៗនេះ ច្រៀងនៅថ្ងៃ១៥ ខែ វិច្ឆិកា ឆ្នាំ ២០១៤។ ថ្ងៃទី ១៦ ខែ វិច្ឆិកា ឆ្នាំ ២០១៤ ដែលជាថ្ងៃចុងក្រោយ ច្រៀងដោយលោក លីវ ដេវិត កញ្ញា រុន ស៊ីរ៉ា និង លោក អួន បឋម។

ពិព័រណ៍បច្ចេកវិទ្យាព័ត៌មានអេឡិចត្រូនិក និង ទូរគមនាគមន៍អន្តរជាតិ ITET 2014 មានក្រុមហ៊ុនបច្ចេកវិទ្យាល្បីៗ ក្នុងស្រុក និងក្រៅស្រុក ដើម្បីដាក់តាំងបង្ហាញផលិតផលនិងសេវាកម្មរបស់ខ្លួន ក្នុងនោះក្រុមហ៊ុនSabay ក៏ចូលក្នុងចូលផងដែរ។ ទស្សនិកជនអាចចូលទស្សនាដោយសេរី ចាប់ពីម៉ោង៨ព្រឹក រហូតដល់ម៉ោង៨ យប់៕

អត្ថបទជាច្រើនទៀតទាក់ទងនឹង ITET 2014 សូមចុចត្រង់នេះ...