ពីល្អាងអាថ៌កំបាំង ក្លាយជាតំបន់ទេសចរណ៍ដ៏ទាក់ទាញ
- 2017-10-08 05:30:07
- ចំនួនមតិ 0 | ចំនួនចែករំលែក 0
ពីល្អាងអាថ៌កំបាំង ក្លាយជាតំបន់ទេសចរណ៍ដ៏ទាក់ទាញ
ចន្លោះមិនឃើញ
អាជ្ញាធរវៀតណាមបានសម្រេចដាក់ជណ្ដើរ ទៅក្នុងល្អាងភ្នំមួយឈ្មោះថា Son Doong ដែលជារូងភ្នំធម្មជាតិមួយដ៏ធំ ស្ថិតនៅភាគខាងជើងប្រទេសវៀតណាមជាប់ព្រំប្រទល់ឡាវ ដើម្បីអនុញ្ញាតឲ្យទេសចរបានចូលទៅទស្សនាទីនោះ។ នេះបើតាមសារព័ត៌មានក្នុងស្រុក tuoitre newsចុះផ្សាយពីម្សិលមិញ។
ល្អាងនេះ មានជម្រៅពីមាត់ខាងលើទៅដល់បាតប្រមាណជាង ២០០ ម៉ែត្រ (បានន័យថាជណ្ដើរចុះទៅដល់បាតល្អាង មានប្រវែងខ្ពស់ជាងអាគារវឌ្ឍនៈ ដែលខ្ពស់ជាងគេនៅភ្នំពេញ ដែលមានកម្ពស់ត្រឹម ១៨៨ ម៉ែត្រ) បាតល្អាងមានទទឹង ១៥០ ម៉ែត្រ និង ប្រវែងជាង ៥គីឡូម៉ែត្រ។ នៅក្នុងល្អាងនេះថែមទាំងមានស្ទឹងមួយហូរកាត់ទៀតផង។ ល្អាងនេះត្រូវបានគេស្គាល់ច្រើន ចាប់តាំងពីឆ្នាំ២០០៩ បន្ទាប់ពីក្រុមអ្នកស្រាវជ្រាវមកពីចក្រភពអង់គ្លេសរុករកនៅទីនោះ។
ក្រុមហ៊ុនទេសចរណ៍ នឹងរៀបចំ Tour ឲ្យភ្ញៀវទេសចរបានទៅលេងទីនោះចាប់ពីឆ្នាំ២០១៨ ដែលត្រូវប្រើពេល៤ថ្ងៃ ៣យប់ ដើម្បីឆ្លងកាត់ល្អាងភ្នំមួយនេះ៕