Kaspersky រងការចោទប្រកាន់ជួយ Hacker រុស្សី វាយលុកទិន្នន័យដល់សហរដ្ឋអាមេរិក

2017-10-09 07:47:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Hacker ដែលបម្រើការឲ្យរដ្ឋាភិបាលប្រទេសរុស្ស៊ី បានប្រើប្រាស់កម្មវិធីកម្ចាត់មេរោគ Kaspersky ដែលផលិតក្នុងស្រុក ដើម្បីកំណត់គោលដៅនិងលួចទិន្នន័យពីភ្នាក់ងារសន្តិសុខជាតិរបស់សហរដ្ឋអាមេរិក។ បើយោងតាម Wall Street Journal បានចុះផ្សាយ។

ទិន្នន័យសម្ងាត់ដែលក្រុម Hacker រុស្ស៊ីលួចយក រួមបញ្ចូលព័ត៌មានលំអិតពីមធ្យោបាយនៃការវាយប្រហារតាមប្រព័ន្ធអ៊ីនធឺណិតរបស់អាមេរិក ប្រឆាំងនឹងបណ្ដាញកុំព្យូទ័របរទេស ក៏ដូចជាកិច្ចការពារពីការវាយប្រហារត្រលប់មកវិញ។

ប្រភពបានបញ្ជាក់ថា អំឡុងពេលដែលកម្មវិធីកម្ចាត់មេរោគដំណើរការមុខងារស្កេន ភ្លាមនោះវានឹងលួចផ្ញើទិន្នន័យតាមប្រព័ន្ធអ៊ីនធឺណិតទៅម៉ាស៊ីនកណ្ដាលនៃក្រុមហ៊ុន Kaspersky ដែលមានការិយាល័យកណ្ដាលក្នុងប្រទេសរុស្ស៊ីផ្ទាល់ ហើយអាចធ្វើឲ្យរដ្ឋាភិបាលមានឱកាសក្នុងការទាញយកទិន្នន័យ។

ជុំវិញរឿងរ៉ាវនេះ Kaspersky Lab បានឆ្លើយតបទៅវិញថា "ពុំមានភស្តុតាងច្បាស់លាស់ណាមួយ ដែលអាចចោទប្រកាន់ថា ក្រុមហ៊ុនខ្លួនមានការពាក់ព័ន្ធក្នុងរឿងនេះឡើយ ហើយខ្លួនក៏សោកស្ដាយដែលព័ត៌មាននេះបន្តលេចលឺជាបន្តបន្ទាប់ ទាំងមិនទាន់មានការបញ្ជាក់អះអាងជាក់ច្បាស់នៅឡើយ"។

ចុចអានអត្ថបទបន្ទាប់

ប្រភព៖ ibtimes ប្រែសម្រួល៖ ប៊ុណ្ណារ៉ា