មកស្គាល់ទូរសព្ទរាងចម្លែកជាងគេទាំង ១០ ក្នុងលោក

2017-10-10 02:03:33
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនបាច់លើកពីបច្ចេកវិទ្យា ទូរសព្ទទាំង ១០ នេះត្រូវគេហៅជាទូរសព្ទដែលមានរូបរាងប្លែកបំផុត។ ទូរសព្ទខ្លះមានអាយុកាលជិត ២០ ឆ្នាំទៀតផង។

១.N-Gage: Nokia បានប្រកាសបង្ហាញទូរសព្ទរាងដូចដៃលេងហ្គេម N-Gage នាថ្ងៃទី ៧ តុលា ឆ្នាំ ២០០៣។ ដំណើរការដោយប្រព័ន្ធ Symbian OS 6.1 ហើយគិតត្រឹមថ្ងៃទី ៣០ កក្កដាឆ្នាំ ២០០៧ លក់ដាច់បានជាង ៣ លានគ្រឿង។

២.Nokia 7600: បង្ហាញខ្លួននាឆ្នាំ ២០០៣ ជាទូរសព្ទម៉ូដែលទី ២ មានបំពាក់ប្រព័ន្ធ 3G បន្ទាប់ពី Nokia 6650។ មានទម្ងន់ ១២៣ ក្រាម ភ្ជាប់កាមេរ៉ាក្រោយទំហំ 0.3MP និងមានថាមពលថ្មប្រភេទ Nokia BL-5C Li-Ion ទំហំ 850mAh។

៣.Blackberry Passport: បង្ហាញខ្លួននាខែមិថុនា ឆ្នាំ ២០១៤ មានរាងប្រហែលការេបួនជ្រុង ដោយវាចម្លែកត្រង់ភ្ជាប់ក្ដារចុច QWERTY មកជាមួយ។ មានអេក្រង់ ៤.៥ អ៊ីញ ប្រភេទ IPS LCD បំពាក់ RAM 3GB និងកាមេរ៉ាក្រោយ 13MP។

៤.Motorola FlipOut: បង្ហាញខ្លួននាខែមិថុនា ឆ្នាំ ២០១០ ភ្ជាប់នូវក្ដារចុច QWERTY មកដូចម៉ូដែលខាងលើ។ ទំហំអេក្រង់ ២.៨ អ៊ីញ ដំណើរការដោយ Android Eclair ជំនាន់ 2.1 មាន RAM 512MB និងកាមេរ៉ា 3.15MP។

៥.Sidekick: មិនមានការបញ្ជាក់ច្បាស់លាស់ពីក្រុមហ៊ុននិងកាលបរិច្ឆេទបង្ហាញខ្លួន គ្រាន់ដឹងត្រឹមថាវាជាទូរសព្ទដែលមានប្រើប្រព័ន្ធ 2G មានមុខងារ Call Divert, Call Hold, Caller ID ស្រដៀងទូរសព្ទពេញនិយមស៊េរីចាស់អំឡុងជាង ១០ ឆ្នាំមុនដែរ។

៦.Huawei KFC Edition: ថ្មីៗនេះក្រុមហ៊ុន Huawei ទើបតែបានសហការជាមួយហាងលក់មានបំពង KFC ក្នុងការចេញលក់ស្មាតហ្វូនទៅក្នុងទីផ្សារប្រទេសចិន។ រចនាតួខ្លួនមានភ្ជាប់ស្លាកយីហោ KFC និងកម្មវិធីក្នុងម៉ាស៊ីនស្រាប់ជាច្រើន ទាក់ទង KFC ទាំងអស់។

៧.Vertu Signature Touch: មិនត្រឹមជាស្មាតហ្វូនមានរាងចម្លែក តែវាមានតម្លៃថ្លៃដល់ទៅ ៨ ពាន់ដុល្លារ។ ប្រើកម្លាំងម៉ាស៊ីនធន់ធ្ងន់ មានឈីប Snapdragon 801 ទំហំ RAM 2GB កាមេរ៉ាក្រោយ 13MP និងអេក្រង់ ៤.៧ អ៊ីញ។

៨.Sirin Labs: ក្រុមហ៊ុនអង់គ្លេសមួយនេះ បានរចនាស្មាតហ្វូនប្រណីតកាច់ក្រុមហ៊ុន Vertu តម្លៃទ្វេ មួយជាពីរ គឺជាង ១៦,០០០ ដុល្លារឯណោះ។

៩.Bluetooth Phone: ទូរសព្ទម៉ូដែលនេះមានរាងតូច តម្លៃថោកត្រឹមតែ ២៤.៦២ ដុល្លារ។ គួរនិយាយថាវាជាកាស Bluetooth ក៏បាន ប៉ុន្តែគ្រាន់មានប៊ូតុងចុច អាចគាំទ្រការប្រើស៊ីមកាត ប្រព័ន្ធ 2G ដូចទូរសព្ទមួយចំនួនដែរ។