បុរសថៃអាយុ៨៥ឆ្នាំ ប្រឈមជាប់គុក ១៥ឆ្នាំ ព្រោះនិយាយរឿងមួយ ទាក់ទងនឹងស្តេចថៃ
- 2017-10-10 07:15:53
- ចំនួនមតិ 0 | ចំនួនចែករំលែក 0
បុរសថៃអាយុ៨៥ឆ្នាំ ប្រឈមជាប់គុក ១៥ឆ្នាំ ព្រោះនិយាយរឿងមួយ ទាក់ទងនឹងស្តេចថៃ
ចន្លោះមិនឃើញ
បុរសជនជាតិថៃ អាយុ៨៥ឆ្នាំម្នាក់ កំពុងប្រឈមមុខនឹងការជាប់ពន្ធនាគារ រយៈពេល១៥ឆ្នាំ បន្ទាប់ពីបានសួរជនជាតិថៃ ឲ្យគិតយ៉ាងហ្មត់ចត់ឡើងវិញ អំពីជ័យជម្នះស្ដេចថៃ ក្នុងការប្រកួតលើខ្នងដំរី នៅឆ្នាំ១៥៩៣។
ប៉ូលិសបានឃាត់ខ្លួន និងអមដំណើរ លោក Sulak Sivaraksa ដែលជាអ្នករិះគន់សង្គម ទៅកាន់តុលាការយោធាបាងកក នៅថ្ងៃទី០៩ ខែតុលា ឆ្នាំ២០១៧ ម្សិលមិញនេះ ដោយលោក Sulak ត្រូវបានចោទប្រកាន់ជាផ្លូវការ ពីបទ**ប្រមាថព្រះមហាក្សត្រ**។
ករណីនេះបានកើតឡើងដំបូង តាំងពីឆ្នាំ២០១៤មកម្ល៉េះ នៅពេលដែលលោក Sulak បានប្រាប់ទៅកាន់វេទិកាសាធារណៈមួយ ដើម្បីឲ្យគិតពិចារណាយ៉ាងជ្រាលជ្រៅឡើងវិញ អំពីប្រវត្តិសាស្ត្រថៃ និងចោទសួរថា តើព្រះមហាក្សត្រថៃ ណារ៉ាសួន (Naraesuan) ពិតជាបានឈ្នះសង្គ្រាម Battle of Nong Sarai កាលពីជាង ៤០០ឆ្នាំមុន ដោយកម្ចាត់ស្ដេចភូមា ក្នុងការប្រយុទ្ធតទល់គ្នា ខណៈជិះនៅលើខ្នងដំរីមែន ឬយ៉ាងណា។
លោក Sulak ដែលដើរដោយប្រើឈើច្រត់ជាជំនួយ បាននិយាយថា លោកមិនដឹងថាហេតុអ្វីបានជារឿងក្ដីនេះ នៅតែបន្តទៅមុខទៀតនោះទេ បន្ទាប់ពីលោកបាននិយាយវាតាំងពីឆ្នាំ២០១៤មកម្ល៉េះ។
«ប្រហែលជាពួកគេមិនចូលចិត្តខ្ញុំ ព្រោះខ្ញុំមិនដែលបិទមាត់របស់ខ្ញុំឡើយ។ ខ្ញុំនិយាយការពិត។ ខ្ញុំគិតថាវាជាកាតព្វកិច្ចរបស់ខ្ញុំ»។ លោក Sulak ប្រាប់ឲ្យដឹងយ៉ាងដូច្នេះ។
គួរបញ្ជាក់ថា ការប្រមាថព្រះមហាក្សត្រថៃ ជាបទល្មើសដ៏ធ្ងន់ធ្ងរមួយ ដែលអាចប្រឈមនឹងការផ្ដន្ទាទោសពី ៣ ទៅ ១៥ឆ្នាំនៅក្នុងពន្ធនាគារ៕
ចុចអាន៖