ទើបរៀនឆ្នាំទី១សោះ យុវជនខ្មែរវ័យក្មេងមួយក្រុមនេះអាចបង្កើត iPad App បានគួរឲ្យភ្ញាក់ផ្អើល
- 2017-10-10 11:51:05
- ចំនួនមតិ 0 | ចំនួនចែករំលែក 0
ទើបរៀនឆ្នាំទី១សោះ យុវជនខ្មែរវ័យក្មេងមួយក្រុមនេះអាចបង្កើត iPad App បានគួរឲ្យភ្ញាក់ផ្អើល
ចន្លោះមិនឃើញ
ពិតជាមិនធម្មតា សិស្សថ្នាក់ព័ត៌មានវិទ្យាឆ្នាំទី១ មួយក្រុមរបស់វិទ្យាស្ថានអ៊ីនស្ទីង្ហ៍បានសហការគ្នាបង្កើតបានដោយដោយជោគជ័យគួរឲ្យភ្ញាក់ផ្អើលនូវ iPad Application ថ្មីមួយដែលអាចជួយសម្រួលដល់ការការការគិតលុយសម្រាប់អាជីវកម្មអាជីវកម្មតូចធំទាំងអស់ និងគ្រោងដាក់ឲ្យប្រើជាសាធារណៈដោយឥតគិតថ្លៃក្នុងពេលឆាប់ៗ នេះ។
Sabay បានជួបជាមួយសិស្សទាំង០៥ នាក់ដែលបង្កើតកម្មវិធីនេះ ក្នុងនោះមានលោក ធូ សែនរិទ្ធ លោក លោកលីម ទីទី លោក វ៉េង ម៉េងលាង លោក លីម សុងផេង និងកញ្ញា យិន ស៊ីដានូវ ។ កញ្ញា យិន ស៊ីដានូ ជាសមាជិករួមក្រុមបានឲ្យដឹងថា៖« តាមពិតនេះគឺជាការងារសាលាដែលដាក់ឲ្យយើងធ្វើក្រោមការណែនាំពីលោកគ្រូនៅវិទ្យាស្ថានអ៊ីនស្ទីង្ហ៍។យើងបានចំណាយពេលប្រមាណជា ៣ ខែ ដើម្បីសិក្សាស្រាវជ្រាវពីទីផ្សារ ហើយលោកគ្រូជាអ្នកតម្រង់ទិសយើងថាតើត្រូវធ្វើលើរឿងអ្វី និងចាប់ផ្តើមពីចំណុចណាខ្លះ រហូតដល់បានជាលទ្ធផលសម្រេចមួយនេះ។
« កម្មវិធីយើងឈ្មោះថា ClikPos បច្ចុប្បន្នមានតែសម្រាប់ iOS ដែលអាចប្រើបានជាមួយ iPad និង iPhone។ យើងសម្រេចធ្វើកម្មវិធីនេះឡើង ព្រោះយើងឃើញពីតម្រូវការចាំបាច់ប្រើប្រាស់ក្នុងអាវជីកម្មខ្នាតតូចនិងមធ្យមកន្លងមក ហើយកម្មវិធីបែបនោះមានតម្លៃថ្លៃ។ Clikpos របស់យើងមិនត្រឹមតែអាច download យកមកប្រើ Free ទេ វាថែមទាំងងាយស្រួលប្រើទៀត ហើយយើងនឹងបន្ត update វាឲ្យកាន់តែទំនើបថែមទៀត»។
«ខ្ញុំពិតជារំភើបព្រោះនេះជាសមិទ្ធផលដំបូងរបស់ពួកយើង ខ្ញុំខ្លួនឯងមិននឹកស្មានថាទើបតែរៀន អាចបង្កើតកម្មវិធីជាប្រយោជន៍ដល់សង្គមបានឆាប់រហ័សបែបនេះសោះ ។ ខ្ញុំយល់ថានេះក៏ព្រោះសាលាបានបង្រៀនជំនាញច្បាស់លាស់ និងផ្ដល់ឱកាសឲ្យយើងអនុវត្តផ្ទាល់ ពិសេសមានការជួយជ្រោមជ្រែងណែនាំណែនាំយ៉ាងដិតដល់ពីលោកគ្រូ»។
pic
« ការសម្រេចបានរបស់ពួកគេពិតជាលើសពីការរំពឹងទុក ព្រោះថាពួកគេទើបតែ រៀនឆ្នាំទី១ប៉ុណ្ណោះ។ ក្នុងនាមជាគ្រូណែនាំផ្ទាល់របស់ពួកគេ ខ្ញុំពិតជាមានមោទនភាពខ្លាំងណាស់ ហើយពេលនេះយើងកំពុងជំរុញឲ្យពួកគេបន្តអភិវឌ្ឍសមត្ថភាព និងបម្លែងខ្លួនទៅជាសហគ្រិនវ័យក្មេងក្នុងវិស័យព័ត៌មានវិទ្យានាពេលអនាគត » ។ នេះបើតាមការលើកឡើងរបស់ លោក គឹម សិរីវុឌ្ឍ ជាសាស្ត្រាចារ្យព័ត៌មានវិទ្យានៅវិទ្យាស្ថានអ៊ីនស្ទីង្ហ៍។
pic
លោកបានបន្តថា ៖«សាលាយើងផ្តោតសំខាន់ទាំងលើទ្រឹស្តី និងការអនុវត្ថន៍ផ្ទាល់ ដូច្នេះមិនមែនតែក្រុមនេះទេ នៅមានសិស្សដែលរៀនជំនាញផ្សេងៗជាច្រើនទៀត ក៏ត្រូវបានសាលាផ្តល់ឱកាសឲ្យបញ្ចេញសមត្ថភាព ដោយមានគ្រូអមចាំបង្ហាត់បង្ហាញដែរ។ យើងចង់ឲ្យគ្រប់សិស្សមករៀននៅសាលាយើងឆាប់ចាប់បានជំនាញមួយឲ្យប្រាកដ ចេះច្បាស់ អាចធ្វើការបាន និងចាប់បានឱកាសការងារល្អៗ។ ជោគជ័យរបស់សិស្សក្នុងអាជីព គឺជាកិត្តិយសរបស់វិទ្យាស្ថានដូចគ្នា ដូច្នេះយើងនៅទន្ទឹមពួកគាត់ជានិច្ច។ ដោយឡែកចំពោះក្រុម ClikPOS នេះ យើងសង្កេតឃើញថាពួកគេបានតាំងចិត្តក្នុងការកែលម្អរនូវកម្មវីធីរបស់គេជាបន្តបន្ទាប់ និងមានសក្តានុពលខ្ពស់ក្លាយជាសហគ្រិនវ័យក្មេង បើសិនមានការជួយជ្រុំជ្រែងបន្ថែមពីស្ថាប័ន រឺអ្នកវិនិយោគទុនណាមួយបន្ថែមទៀត» ។
pic
ចាប់ដំណើរការជាផ្លូវការនៅ ដើមឆ្នាំ ២០១៦ វិទ្យាស្ថាន អ៊ីនស្ទីង្ហ៍មានវគ្គសិក្សារយៈពេលខ្លី និង ចំគោលដៅជាច្រើនស្របតាមទីផ្សារការងារបច្ចុប្បន្ន ដោយរួមបញ្ចូលនូវការអនុវត្តន៍ការងារជាក់ស្តែងជាមួយក្រុមហ៊ុនដៃគូជាច្រើនទៀត ។
--Pic of all Courses at Instinct-- ពិសេស! សម្រាប់អ្នកដែលតែងតែស្រលាញ់ជំនាញព័ត៌មានវិទ្យា( information Technology) ការផ្សព្វផ្សាយ(Media & Graphic Design) ស្ថាបត្យកម្ម និងរចនាផ្នែកខាងក្នុង (Architectural & Interior Design ) ព្រោះនៅព្រឹកថ្ងៃសៅរ៍ ទី១៤ តុលា ២០១៧ ខាងមុខនេះ នៅទីតាំងវិទ្យាស្ថានអ៊ីនស្ទីង្ហ៍ នឹងមានកម្មវិធី សិក្ខាសាលាតម្រង់ទិស ដែលនឹងមានអ្នកជំនាញជាច្រើនរូបចូលរួមចែករំលែកបទពិសោធន៍ និងពន្យល់បកស្រាយរាល់ចម្ងល់របស់អ្នកឲ្យយល់ច្បាស់ពីជំនាញ និងឱកាសការងារជុំវិញជំនាញទាំងអស់នេះ។
សិក្ខាសាលាតម្រង់ទិសនេះ ចូលរួមបានដោយសេរី និង ឥតគិតថ្លៃទេ! សម្រាប់ព័ត៌មានបន្ថែម សូមចូលទៅវេបសាយ www.instinct-edu.org/ ឬ ហ្វេសប៊ុកផ្លូវការ Instinct Institute៕