បើយោងតាមសារព័ត៌មាន Goal ចុះផ្សាយថ្ងៃនេះ នាយកប្រតិបត្តិរបស់ Barcelona លោក Oscar Grau បាននិយាយថាក្លឹបបានត្រៀមខ្លួនរួចរាល់ក្នុងការទិញកីឡាករ Philippe Coutinho ពីLiverpool ក្នុងខែមករានេះ។

ក្នុងសន្និសីទសារព័ត៌មាន លោក Oscar Grau បាននិយាយថា៖ "នៅក្នុងរដូវកាលទីផ្សារដោះដូរខែមករាខាងមុខនេះ ពួកយើងបានត្រៀមខ្លួនរួចរាល់ ក្នុងការទិញ Coutinho ឬកីឡាករផ្សេងទៀតដែលក្រុមបច្ចេកទេសរបស់ក្លឹបត្រូវការ" ។ លោកបន្តទៀតថា៖ "ប៉ុន្តែវាពិតជារឿងសំខាន់ណាស់ ដែលយើងត្រូវតែសម្របខ្លួនយើងទៅនឹងស្ថានភាពបែបនេះ ដូច្នេះបើសិនមានការទិញចូល ច្បាស់ណាស់ប្រាកដមានការលក់ចេញនូវកីឡាករមួយចំនួនរបស់យើង"។

នាយកប្រតិបត្តិរូបនេះបានបន្ថែមទៀតថា៖ "យើងត្រូវតែបំភ្លេចចោលទៅអំពីលុយលក់ Neymar ទៅឲ្យ PSG ក្នុងពេលទីផ្សាររដូវក្ដៅកន្លងទៅ។ ក្រោយដកថ្លៃពន្ធចេញ ចំណូលរបស់ក្លឹបពីការលក់ Neymar គឺចំនួន ១៨៨លានអឺរ៉ូ ហើយកាត់កងសព្វមុខទៅ ក្លឹបចំណេញបានចំនួន ១៤៤លានអឺរ៉ូ"។

កាលពីអំឡុងពេលទីផ្សារដោះដូរកីឡាកររដូវក្តៅ បន្ទាប់ពីលក់ Neymar ឲ្យ PSG ក្លឹបអ្នកមានបុណ្យ Barcelona បានតាមទិញយ៉ាងប្រកិតនូវ Philippe Coutinho បើទោះជាក្លឹបយក្សអង់គ្លេស បញ្ជាក់ហើយបញ្ជាក់ទៀតថាមិនព្រមលក់យ៉ាងណាក៏ដោយ៕

ប្រភព៖ Goal   ប្រែសម្រួល៖ ហ៊ីម រស្មី